Irmgard Harder

Irmgard Harder (* 20. August 1922 in Hamborg; † 3. September 2012) weer en plattdüütsche Schrieversche.

Harder is 1922 in Hamborg boren un hett hier 1942 ok ehr Abitur maakt. Se hett sik denn as Schauspelerin utbillen laten un ünner annern ok fief Johr bi dat Ohnsorg-Theater speelt. 1948 hett se as Redaktörin bi’n NDR anfungen. Toeerst in Hamborg, vun 1952 af an in Flensborg un siet 1965 in Kiel. In Kiel weer se 1973 bet 1984 Baas vun dat plattdüütsche Afdeel. 1984 güng se in Pension. Bi’n NDR weer se 1956 ok Mitbegrünnerin vun Hör mal ’n beten to.

1985 hett se den Fritz-Reuter-Pries kregen un 1998 den Nedderdüütschen Literaturpries vun de Stadt Kappeln. 1997 hett de Sleswig-Holsteensche Heimatbund ehr de Lornsen-Keed tokennt un 2002 hett se vun dat Land Sleswig-Holsteen de Sleswig-Holsteen-Medallje kregen.

Warken

So is dat awer ok. Hans Köhler Verlag, Hamborg 1959
Dat Glück kümmt mit'n Bummeltog. Quickborn-Verlag, Hamborg 1971
Gustav un ick un anner Lüd. Quickborn-Verlag, Hamborg 1973
Wedder mal Wiehnachten. Quickborn-Verlag, Hamborg 1974
Bloots en Fru. Husum-Druck- und Verlags-Gesellschaft, Husum 1976, ISBN 3-88042-024-6
Mit de besten Afsichten. Husum-Druck- und Verlags-Gesellschaft, Husum 1978, ISBN 3-88042-069-6
Allens okay? Husum Druck- und Verlagsgesellschaft, Husum 1980, ISBN 3-88042-113-7
Blots mal eben. Husum-Druck- und Verlags-Gesellschaft, Husum 1982, ISBN 3-88042-178-1
Gegen Dummerhaftigkeit is nix to maken. Quickborn-Verlag, Hamborg 1987, ISBN 3-87651-107-0
Do wat Du wullt. Quickborn-Verlag, Hamborg 1989, ISBN 3-87651-118-6

Kiek ook bi

List vun plattdüütschen Schrieverschen