Internatschonaal Gerichtshov
De Internatschonale Gerichtshov, kort IGH (franzöösch Cour internationale de justice; engelsch International Court of Justice, kort ICJ) ist dat höögste Gericht van den Vereenten Natschonen un sitt in den Vredespaleis („Fredenspalast“) in de nederländsche Stad Den Haag. Sine Upgaven un Toständigheden regelt de UN-Charta un de Staturen van den IGH. De Internatschonale Gerichtshov is de Nafolger van den Ständigen Internatschonalen Gerichtshov, den de Völkerbund 1922 upricht hadde.
Parteien vör den IGH könnt alleen Staten sin, un nich internatschonale Organisatschonen oder ander Subjekte in dat Völkerrecht. Togang to den IGH hebbet bloot Verdragstaten van den IGH-Statuut. Dat sind up de enen Side Liddmaten in de Vereenten Natschonen un up de andern Sidealle Staten, de nich Liddmaten sind, man de Statuten akzepteert.
De fiefteggen Richter in dat Gericht koomt jümmers uut 15 verscheden Staten. Bet nu hebbet de fiev duurhaften Liddamten in den Sekerheedsraad jümmers enen Richter in den Gerichtshov. UUtname is China, dat twischen 1967 un 1985 kenen Richter in den IGh hadde. De Richter wärd up negen Jaren beropen; alle dree Jare beröpt dat Gericht fiev nieger Richter. De Gerichshov bruukt Engelsch un Fransch as Amtsspraken.
Nettverwise[ännern | Bornkood ännern]
Internationaler Gerichtshof. Mehr Biller, Videos oder Audiodateien to’t Thema gifft dat bi Wikimedia Commons.
- Offitschelle Webstede van den IGH (engelsch)
- Internatschonaal Gerichtshovn. In: UNRIC.org (hoogdüütsch)
- Statuut van den IGH In: Menschenrechtsabkommen.de (hoogdüütsch)
- De Internatschonale Gerichtshov. In: Menschenrechtsabkommen.de (hoogdüütsch)