International Association of Athletics Federations

De amteren Präsident vun de IAAF Lamine Diack

De International Association of Athletics Federations (IAAF) (Weltlichtathletikverband) is de Dackverband vun all natschonale Sportverbännen för Lichtathletik. Se is an’n 17. Juli 1912 op en Kongress in Stockholm vun Afsennte ut 17 Länner as International Amateur Athletics Federation grünnt worrn.

Opstunns höört 213 Liddmatenverbännen to de IAAF, de siet Oktober 1993 ehrn Sitt in Monaco hett. Vördem weer dat Büro in London ünnerbröcht. Präsident vun de IAAF is aktuell Lamine Diack ut den Senegal, de dat Amt in’n November 1999 kort na den Dood vun sien Vörgänger Primo Nebiolo övernahmen hett. Diack is 2001 op den Kongress vun de IAAF in sien Amt bestätigt worrn.

Opgaven[ännern | Bornkood ännern]

Dat wichtigste Opgavenfeld vun de International Association of Athletics Federations is dat Standardideren vun Methoden to’n Tietmeten un vun Rekorden. De IAAF is butendem Utrichter vun tallrieke internatschonale Lichtathletik-Wettstrieden, so as de Lichtathletik-Weltmeesterschoppen (siet 1983). Bito föhrt un wohrt de IAAF de Listen vun de offiziellen Weltrekorden.

In’t Johr 1982 hett de IAAF ehr Statuten ännert, üm för de Athleten de Mööglichkeit intorichten, för jemehr Deelnahm an internatschonale Veranstalten Opwandsentschädigungen to kriegen. Bi den Kongress2001 is denn as logischen Schritt de Begreep Amateur ut’n Naam streken worrn, un de Verband kreeg den aktuellen Naam.

As de Verband in’t Johr 2012 1000 Johr oolt worrn is, is en IAAF Hall of Fame inricht worrn. Dor warrt Athleten opnahmen, de nich mehr aktiv sünd un sik in jemehr aktive Loopbahn dör sünnere Leistungen uttekent hebbt. De Opnahm in de Hall of Fame gellt as de höchste Utteken vun den internatschonalen Lichtathletikverband.^[1]