Ingo Buding

Ingo Buding (* 9. Januar 1942 in Lovrin, Rumänien; † 13. März 2003 in Bandol, Süüdfrankrriek) weer en düütsch Tennisspeler.

Ingo Buding hörr to de Volksgrupp vun de Banater Schwaben. Nah den tweeten Weltkrieg wurr he as Volksdüütsch ut Rumänien nah Düütschland verdreben. Hier fung denn en spoodriek Tenniskarriere an.

1970 föhr he as Kaptein un Speler eerstmals en düütsch Daviscup-Team in en Finale. In Cleveland, wo dat utdragen wurr, verloren de Düütschen aber klor mit 0:5. Insgesamt hett he tüschen 1961 un 1970 51 Spelen in’ Daviscup maakt.

För sien Erfolge wurr he vun de Düütsch Tennis Bund (DTB) mit de Ehrennadel in Gold un an’ 23. November 1970 mit sien Davis-Cup Kollegen Wilhelm Bungert un Hans-Christian Kuhnke mit dat „Sülvern Lorbeerblatt des DTB“ ehrt. Dat „Sülvern Lorbeerblatt“ wurr bit dato blots söeben Mal an Fruen un fief Mal an Mannlüüd (dorvan twee Mal an en Davis-Cup-Team) vergeven.

Ingo Buding weer en Bröer vun Edda Buding, de ok en bannig gooden Tennisspelerin weer un ok dat Sülvern Lorbeerblatt vun de DTB kregen hett.

Weblenken

• ATP-Profil vun Ingo Buding (engelsch)
• Davis-Cup Statistik vun Ingo Buding (engelsch)