Ingeborg Bingener

Vun Wikipedia
Zur Navigation springen Zur Suche springen

Ingeborg Bingener, borene Busch (* 18. Mai 1922 in Siegen; † 26. Januar 2001) weer en düütsche Perfessersche, Schrieversche un Politikerin.[1][2] Vun 1993 bit März 1995 weer se bito de Bundsvörsittersche vun De Deerschuulpartei.[3]

Leven un Wark[ännern | Bornkood ännern]

Bingener hett in Hattingen leevt. Al in de 1980er Johren hett se sik in tallrieke Vördrääg un Publikatschonen gegen de Agrarpolitik vun de Europääschen Gemeenschap stark maakt, vunwegen dat de na ehr Ansicht Schaden för de Nüttdeerten bringt.[4] Tosamen mit Ilse Hahn hett se den Wetenschaplichen Arbeitskrink Deerschuul grünnt.[5] An’n 26. Januar 2001 is se na en swore Krankheit in’t Öller vun 78 Johren doodbleven.[1]

Politik[ännern | Bornkood ännern]

In de 1990er Johren weer Bingener tohopen mit acht annere Lüüd an’t Grünnen vun De Deerschuulpartei bedeeligt. Op den Parteidag to’n Grünnen, de an’n 13. Februar 1993 in’t Hotel Continental in Bonn afhollen weer, is se wegen ehr Kumpetenz as Bundsvörsittersche wählt worrn. De Partei harr to de Tiet blots negen Liddmaten. Se hett dat Amt twee Johren utföhrt. Ehr Nafolgersche is op’n drüdden Parteidag an’n 11. März 1995 de Schrieversche Gisela Bulla worrn.[3] Se hett för ehr Partei ünner annern bi de Bundsdagswahl 1998 op de Landslist vun Noordrhien-Westfalen kannedeert.[6] Dat sülve Johr noch hett se de Partei na en internen Striet verlaten. Achtergrund weer de Wahlwarfspot, den se to de Bundsdagswahl 1994 utklamüstert harr. De weer bearbeit worrn, wodör se sik övergahn föhlt hett.[4]

Bibliografie[ännern | Bornkood ännern]

Borns[ännern | Bornkood ännern]

  1. a b art-ambulance.de: Prof. Ingeborg Bingener, afropen an’n 12. April 2015
  2. Karl Strute, Theodor Doelken: Who’s Who in Germany, Bännen 1-2, 1976 Online
  3. a b tierschutzpartei.de: 27. September 2003 – 10 Jahre Tierschutzpartei – Zusammenfassung der 2. stellvertretenden Bundesvorsitzenden anlässlich des Jubiläumsparteitags in FfM, afropen an’n 21. Februar 2018
  4. a b tierschutzpartei.de: Wie alles begann - meine ganz persönlichen Erinnerungen - Dr. Ingeborg Gräßer, Vorsitzende des Landesverbands Nordrhein-Westfalen, afropen an’n 21. Februar 2018
  5. Sina Walden, Gisela Bulla: Endzeit für Tiere. Ein Aufruf zu ihrer Befreiung, 1984
  6. bundeswahlleiter.de: Landeslisten-Vorschläge bei der Bundestagswahl 1998 im Bundesland Nordrhein-Westfalen, afropen an’n 21. Februar 2018

Weblenken[ännern | Bornkood ännern]