Ian Scheckter

Ian Scheckter bi den Grooten Pries vun Argentinien 1977

Ian Scheckter (* 22. August 1947 in East London, Süüdafrika) is en ehmalger süüdafrikaansch Automobilrennfohrer un de Bröer vun den ehmalgen Formel-1-Weltmeester van 1979, Jody Scheckter.

Karriere

Ian is sien Bröer nah Europa un de Formel 1 folgt, nahdem he in de Formel Ford „Sunshine Series“ wunnen harr. Sien Formel-1-Debüt geev Ian Scheckter bi den Groot Pries vun Süüdafrika 1974 in dat Team Gunston. In de Johren 1975 un 1976 is he eenige Rennen in dat Team vun Frank Williams as ok in’n Tyrrell vun dat Alex-Blignaut-Team fohren. In de Saison 1977 hett he 14 vun 17 Rennen för dat March-Team maakt.

Nah sien Formel-1-Engagement fohr he in de süüdafrikaansch Formel-Atlantic-Meesterschap, de Nahfolgereeg vun de Süüdafrikaansch Formel-1-Meesterschap, de he sössmal (dorünner veermal nahnanner) wunnen hett.

Literatur

• Steve Small: Grand Prix Who's Who, 3rd Edition. Travel Publishing, London 2000, ISBN 1-902007-46-8

Weblinks

Ian Scheckter. Mehr Biller, Videos oder Audiodateien to’t Thema gifft dat bi Wikimedia Commons.

• Ian Scheckter bi Racing Sport Cars (engelsch)