Hollen (Ontario)

Vun Wikipedia
Zur Navigation springen Zur Suche springen

Hollen is en lütten Oort in de Township Mapleton in’n Wellington County, Provinz Ontario, Kanada.

Geografie[ännern | Bornkood ännern]

De Oort liggt an dat rechte Över von’n Conestogo, de hier dör en Staudamm to’n Conestogo-See staut is. Dat liggt in dat Rebeed twüschen de Groten Seen Huron-See, Ontario-See un Erie-See.

De nächste gröttere Oort is Drayton un de nächsten grötteren Städer sünd Kitchener un Toronto.

De direkten Naveröörd sünd Rothsay in’n Noorden, Drayton un Stirton in’n Noordoosten, Spruce Green un Goldstone in’n Oosten, Glen Allan un Dorking in’n Süden, Carthage in’n Süüdwesten un Wallace un Moorefield in’n Noordwesten.

Historie[ännern | Bornkood ännern]

De Oort is 1850 von Hugh Hollingshead grünnt worrn, de dor an’n Conestogo en Schrootmöhl un en Saagwark anleggt hett.[1] In de Tied hebbt sik gau en Reeg Buurn dor ansiedelt un de Oort is to en Dörp mit en poor hunnert Inwahners wussen. 1852 hett J. Hollen dor en Postamt un en Geschäft opmaakt.[1] De Naam von’n Oort schall op’n Grünner Hollingshead oder op’n Postamt-Bedriever J. Hollen trügggahn.[1]

En School hett 1854 opmaakt un de Wesleyan Methodist Church 1862.[1] 1867 is tosätzlich de Chalmers Presbyterian Church anleggt worrn.[1] De Wesleyan-Kark hett later Hollin Methodist Church heten.[1] 1925 hebbt sik de beiden Karken to de United Church tohoopslaten.[1]

1874 hett de Oort 400 Inwahners hatt.[1] In de Tied is aver de Wellington Grey and Bruce Railway boot worrn, de dör Drayton güng.[1] Dormit leeg Hollen opmaal ganz af von’n Verkehr. De Inwahnertall güng nu gau dal. In de Johren 1880 leeg se blots noch bi 150 Lüüd un in de Johren 1960 bi 20 Lüüd.[1]

De Oort hett en lütten Karkhoff an de Hollen Road, de 1852 anleggt worrn is.[1]

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dat gifft kene grötteren Straten in Hollen un ümto. Över lüttjere Straten is de Oort anbunnen an de County-Straten 8, 10 un 11 in’n Wellington County.

Footnoten[ännern | Bornkood ännern]

  1. a b c d e f g h i j k Hollen bi Ontario Abandoned Places


Koordinaten:43° 42′ N, 80° 43′ W