De Born vun Hinnebeck wiesen.

{{Dörpbox
|NAAM=Hinnebeck
|STAAT=Düütschland
|LIGGT_IN=
:[[Bundsland (Düütschland)|Bundsland]]: [[Neddersassen]]
:[[Landkreis]]: [[Landkreis Oosterholt|Oosterholt]]
:[[Gemeen (Düütschland)|Gemeen]]: [[Gemeen Swonewebel|Swonewebel]]
|WAPEN=
|FLAGG=
|KOORT=
|FLACH=4.21
|HÖÖCHD=2
|HÖÖCHD_REF=NHN
|KOOR_NS=53.256111
|KOOR_OW=8.563889
|INWAHNERS=260
|INWAHNERS_TIET=2012-06-30
|POSTLEETTALL=28790
|VÖRWAHL=04209
|WEBSTEED=
}}
'''Hinnebeck''' ({{S|de|''Hinnebeck''}}) is en Dörp in de [[Gemeen Swonewebel]] in’n [[Landkreis Oosterholt]], [[Neddersassen]]. Binnen de Gemeen billt de Oort en egen polietsche [[Oortschop]].

Bi Hinnebeck höört ok de lüttje Oortsdeel Hinnebeckerforth.

== Geografie ==

De Oort liggt op’n Rand von de [[Oosterholter Geest]] hen na de [[Masch]] von [[Oosterstood]]. Dat Water ut dat Rebeed flütt över Gravens un Fleten af na dat Hinnebecker Fleet un na’n [[Aschwardener Floodgraven]]. Düsse Waterlööp fleet all in de [[Werser]], de fiev Kilometer in’n Westen von Hinnebeck langsflütt.

De Naveröörd sünd [[Meyenborg]] in’n Noordoosten, [[Schukamp]], Vorbarg un Koppelbarg in’n Süüdoosten, [[Vörbrook]], [[Ne’enkarken (Swonewebel)|Ne’enkarken]] un [[Stellerbrook]] in’n Süüdwesten un [[Rade (Swonewebel)|Rade]], [[Hassel (Swonewebel)|Hassel]], [[Aschwarden]] un [[Brook (Landkreis Oosterholt)|Brook]] in’n Noordwesten.

== Historie ==

Hinnebeck kummt 1236 toeerst in de Oorkunnen vör.

In’n [[Eerst Weltkrieg|Eersten Weltkrieg]] sünd acht Soldaten ut Hinnebeck fullen oder vermisst un in’n [[Tweet Weltkrieg|Tweten Weltkrieg]] negen.<ref>[http://www.denkmalprojekt.org/2015/hinnebeck_gem-schwanewede_lk-osterholz_wk1_wk2_niedsachsen.html Onlineprojekt Gefallenendenkmäler]</ref>

=== Verwaltungsgeschicht ===

In de [[Franzosentied]] hett de Oort toeerst 1810 bet 1811 binnen dat [[Königriek Westfalen]] to de Mairie Swonewebel in’n [[Kanton Blomendal]] höört un denn von 1811 bet 1814 to dat [[Eerst Franzöösch Kaiserriek|Franzöösche Kaiserriek]] ünner [[Napoleon]] un dor to de [[Mairie Swonewebel]] in’n [[Kanton Vesack]].

De Oort hett vör 1885 to’n Bezirk Süüd-Oosterstood von dat [[Amt Hagen]] tohöört. 1885 is de Oort in’n [[Kreis Blomendal]] wesselt. 1932 is dat Deel von’n [[Landkreis Oosterholt|Kreis Oosterholt]] worrn.

De Oort weer fröher en egenstännige Gemeen. Mit de [[Gemeenreform in Neddersassen]] an’n 1. März 1974 is düsse Gemeen Deel von de Gemeen Swonewebel worrn. Hinnebeck billt nu binnen de Gemeen en Oortschop mit egen [[Oortsvörsteiher]].

=== Inwahnertall ===

{{Inwahnertall
| 1791 / 41 Füürsteden /Scharf/
| 1812 / 250 /Lasius/
| 1824 / 41 Füürsteden /Jansen/
| 1848 / 237 Lüüd, 45 Hüüs /HarseimSchluter/
| 1871-12-01 / 256 Lüüd, 46 Hüüs /GemGutsbPreu/
| 1885-12-01 / 212 Lüüd, 42 Hüüs /gemeindelexikon1885/
| 1905-12-01 / 201 Lüüd, 39 Hüüs /gemeindelexikon1905/
| 1910-12-01 / 205 /gemeindeverzeichnis/
| 1925 / 215 /verwaltungsgeschichte/
| 1933 / 209 /verwaltungsgeschichte/
| 1939 / 193 /verwaltungsgeschichte/
}}

=== Religion ===

Hinnebeck is [[Evangeelsch-luthersche Kark|evangeelsch-luthersch]] präägt un höört to dat Kaspel von de [[Johannes-Kark (Swonewebel)|Johannes-Kark]] in Swonewebel. Dat is aver eerst siet 1. Januar 1961 so. Vörher hett de Oort jümmer to de [[Nikolai-Kark (Brook)|Nikolai-Kark]] in Brook tohöört.

För de [[Kathoolsche Kark|Kathoolschen]] is de [[St.-Marien-Kark (Blomendal)|St.-Marien-Kark]] in Blomendal tostännig.

Dat Dörp hett en [[Karkhööv in’n Landkreis Oosterholt#Karkhoff Hinnebeck|egen Karkhoff]] mit Kapell, de an de Eck ''Hinnebecker Straat/Bargstraat'' liggt un 1864 inricht worrn is.

=== Oortsvörsteihers ===

* ~1982: Johann Nordenholz
* opstunns: Johann Ficken

== Kultur ==

In Hinnebeck steiht en [[Kriegerdenkmaal|Denkmaal]] för de Fullenen ut de twee Weltkrieg’.

En [[Dörpgemeenschopshuus]] för Hinnebeck is 1984 inwieht worrn.

=== Verenen ===

De Inwahners von dat Dörp hebbt sik in en Vereen organiseert, de den Naam ''Dörpgemeenschop Hinnebeck'' driggt. Wat annere Verenen angeiht, maakt de Hinnebeckers bi de Verenen von de Naveröörd mit.

== Weertschop un Infrastruktur ==

Hinnebeck hett en egene [[freewillige Füürwehr]], de an’n 4. Januar 1903 grünnt worrn is.

Elektrischen Stroom hett dat Dörp siet 1921.

=== Verkehr ===

Von Hinnebeck föhrt de [[Kreisstraat 32 (Landkreis Oosterholt)|Kreisstraat 32]] in’n Süüdoosten na Koppelbarg an de [[Landsstraat 134 (Neddersassen)|Landsstraat 134]]. De L&nbsp;134 wedder föhrt in’n Noorden över Meyenborg un [[Uthleer]] na [[Hagen (Landkreis Cuxhoben)|Hagen]] un in’n Süden na [[Swonewebel]] un na [[Blomendal (Oortsdeel)|Blomendal]] ([[Bremen-Noord]]). Lüttjere Straten gifft dat von Hinnebeck in’n Noordwesten na Brook un [[Aschwarden]] an de [[Kreisstraat 2 (Landkreis Cuxhoben)|K&nbsp;2]] un in’n Süüdwesten na Vörbrook un Ne’enkarken.

De nächste Autobahn is de [[Bundsautobahn 27|Autobahn 27]] (Afsnidd [[Bremen]]–[[Bremerhoben]]). De [[Opfohrt 14 (A 27)|Opfohrt 14 Swonewebel]] liggt so söven Kilometer in’n Süüdoosten von Hinnebeck an de [[Landsstraat 149 (Neddersassen)|L&nbsp;149]].

De nächste Bahnhoff is negen Kilometer wied weg in’n Süüdwesten de [[Bahnhoff Farge]] an de [[Bahnlien Farge–Vesack]]. Dor föhrt de Lien RS&nbsp;1 von de [[Regio-S-Bahn Bremen/Neddersassen]], de von [[Farge]] bet na [[Veern]] geiht. Von 1911 bet 1931 hett dat ok op de [[Nedderwerserbahn]] Personenverkehr geven. De Bahnhoff Aschwarden weer in düsse Tied söss Kilometer in’n Noordwesten.

=== Scholen ===

De eerste School in dat Dörp is 1775 anleggt worrn. 1862 is en neet Schoolhuus boot worrn. 1970 hett de School aver dichtmaakt. Vondaag gaht de Schölers ut dat Dörp na de [[Heidschool Swonewebel|Heidschool in Swonewebel]].

== Footnoten ==

<references>
{{Inwahnertall-Footnoten Hannover
|Scharf=107|Scharf2=1
|Lasius=106
|Jansen=278|Jansen2=1
|HarseimSchluter=133
|GemGutsbPreu=154|GemGutsbPreu2=2
|gemeindelexikon1885=170
|gemeindelexikon1905=20
|gemeindeverzeichnis=blumenthal
|verwaltungsgeschichte=osterholz
}}
</references>

{{Navigatschoonsliest Öörd in de Gemeen Swonewebel}}

[[Kategorie:Oort]]
[[Kategorie:Landkreis Oosterholt]]