Hilligen Pillendreiher
| Hilligen Pillendreiher | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Systematik | ||||||||||||||||||||||
| ||||||||||||||||||||||
| Wetenschoplich Naam | ||||||||||||||||||||||
| Scarabaeus sacer | ||||||||||||||||||||||
| Linnaeus, 1758 |
Bi den Hilligen Pillendreiher (Scarabaeus sacer) hannelt sik dat um en Käver ut de Scarabäuskävers (Scarabaeidae) ehre Familie.
Kennteken
[ännern | Bornkood ännern]Hillige Pillendreihers weert bi dree Zentimeters lang. De Panzer ut Chitin is an sik swatt, man faken mit’n Dreih na gröön hen. Dat Lief is alltosamen oval un ehrder tohopenstuukt, as ut’neen trocken. De Bost is breeder, as dat Achterlief. An den Kopp sitt Utrecksels an, vundeswegen is he an de Sieten wat breeder und bannig platt. Vörn hett de Kopp allerhand Tacken an. Den Käver siene Form lett na en Schüppen. De Föhlspriete sünd bannig kort un an’t Enn wat dicker, as n Küül. De Vörbeen sünd platt mit Tacken an, just as de Kopp, un könnt good as Schüppen bruukt weern.
Wo he vörkamen deit
[ännern | Bornkood ännern]De Kävers sünd in de Gemarken rund um de Middellannsche See umto, in meist ganz Afrika, Lüttasien un in Deele vun Süüdamerika tohuse. Dor leevt se in allerhand dröge Gemarken, as Savannen un Halfwösten.
Wie he leven deit
[ännern | Bornkood ännern]De Pillendreihers freet Schiete vun Söögdeerter, de Planten freten doot, un weert in’e Wetenschop vundeswegen Koprophagen (Schietfreters) nömmt. Nadem he sik paart hefft, dreiht de Käver ut Schiete en Kogel. De is faken veel grötter, as he sülms. Düsse Kogel klemmt he denn twuschen seine Achterbeen un rullt se vör sik hen, wieldes he trüggaars lopen deit. Dat geiht so lang, bit he en Steed finnt, wo he de Kogel mit Kopp un Vörbeen inkuhlen kann. Dat Seken leggt denn seine Eier an de inkuhlte Kogel. Dor freet de Budden denn later vun, wenn se utkrapen sünd.
Geschichte
[ännern | Bornkood ännern]In dat ole Ägypten is de Pillendreiher as en Symbol ankeken wurrn for dat Upstahn vun de Doden un for den Kreisloop vun de Sunne. De Doden hefft Amulette vun Sacarabäuskävers mit in’t Graff kregen to’n Schutz in dat annere Leven. Man ok levennige Minschen hefft dormols Scarabäuskävers as Smuck bruukt. [1]
-
Ut en Sammlung -
Käver mit Schietkogel -
Käver mit Schietkogel
.JPG)
Belege
[ännern | Bornkood ännern]- ↑ Christina Regner: Skarabäen und Skaraboide. Otto Harrassowitz Verlag, Wiesbaden 1995, ISBN 3447036133, Siet 3 & 4.
Literatur
[ännern | Bornkood ännern]- Bernhard Klausnitzer: Käfer. Nikol Verlagsgesellschaft, Hamborg 2005, ISBN 3-937-87215-9
- Michael Chinery: Pareys Buch der Insekten. Über 2000 Insekten Europas. 2. Uplage, Kosmos-Verlag, Stuttgart 2012, ISBN 978-3-440-13289-0
Weblenken
[ännern | Bornkood ännern]
Heiliger Pillendreher. Mehr Biller, Videos oder Audiodateien to’t Thema gifft dat bi Wikimedia Commons.