Hermes-Verlag

Vun Wikipedia
Zur Navigation springen Zur Suche springen

De Richard-Hermes-Verlag is en Verlag ut Hamborg.

Grünnt worrn is de Verlag 1904 von Richard Hermes. Den Naam Richard-Hermes-Verlag hett he aver eerst 1912 kregen. As Kennewarden hett de Verlag dat Sassenpeerd bruukt. In’n Verlag sünd vör allen veel plattdüütsche Böker rutkamen, ünner annern von Hermann Boßdorf, Ludwig Frahm un Hinrich Wriede. Ok de Reeg Niederdeutsche Flugschriften hett de Verlag rutgeven. De Plattdüütsche Bibliografie un Biografie vertekent alltohoop mehr as 230 plattdüütsche Böker ut’n Hermes-Verlag[1]. To den Verlag hebbt ok de Verlag Moraw & Scheffelt ut Berlin un twee Druckereen bihöört. In de Tied von’n Natschonalsozialismus güng dat mit’n Verlag temlich bargdal. 1946 denn hett Richard Hermes wedder nee en Lizenz för en Verlag kregen un anfungen sien Verlag wedder nee optoboon. Toeerst sünd wedder en ganze Reeg Böker rutkamen, denn is dat aver stiller worrn.

Footnoten[ännern | Bornkood ännern]

  1. http://www.ins-db.de/verlag-titel.php?ID=212&VERL_NAME=Hermes