Hermann Freiherr von Ziller

Vun Wikipedia
Zur Navigation springen Zur Suche springen

Max Hermann Freiherr von Ziller (* 1867 in Meiningen; † 14. März 1929) weer en düütschen Verwaltungsbeamten.

Von Ziller is 1867 in Meiningen boren.[1] 1905 hett he den Adelsrang von en Freeherr kregen.[1] He hett Juristeree studeert un sien Dr. jur. maakt. He is na dat Studium in’n prüüßschen Staatsdeenst gahn. He is 1890 Referendar worrn un 1894 Regerungsassesser.[1] 1900 hett he as Hülpsarbeider bi dat Rieksamt för Binnensaken anfungen[1] un keem 1901 an de Regerung in Kassel.[2] He weer denn von 1902 bet 1907 Landraad in’n Landkreis Zabrze.[1] Na de Tied as Landraad is he wedder Hülpsarbeider worrn, nu in’t Binnenministerium von Prüßen.[1] Dor hett he den Rang von en Gehemen Regerungsraad un Vortragenden Raad kregen[1] un as Nafolger von Friedrich von Schwerin dat Personalreferat von de Innere Verwaltung övernahmen.[3] 1910 is he ok noch Gehemen Oberregerungsraad worrn.[1] Von 1914 bet 1917 weer he Regerungspräsident von’n Regerungsbezirk Lümborg.[1] Na disse Tied weer he von 1917 bet 1918 Oberpräsident von de Provinz Pommern in Stettin.[1] 1918 hett he noch den Titel von en Würklichen Gehemen Raad kregen un is in’n März von dat Johr denn ut Krankheitsgrünn in Rohstand gahn.[1][4] Grünn för sien Krankheit weren en Nervenlieden un dat he sik in’n Eersten Weltkrieg strikt an de Ernährungsregulerungen hollen harr un dorüm to wenig eten harr. In’n Rohstand hett he in Göttingen leevt.[3] 1925 is he Vörsitter von’n Opsichtsraad von de Roggenrentenbank un de Neelandaktiensellschop worrn.[3] He is 1929 na en Hartslag doodbleven.[3]

Footnoten[ännern | Bornkood ännern]

  1. a b c d e f g h i j k Hermann Freiherr von Ziller in de Online-Utgaav von de Editschoon Akten der Reichskanzlei. Weimarer Republik
  2. Acta Borussica, Band 11/II
  3. a b c d Sozialistische Monatshefte. 1929, Sied 560
  4. Bert Becker: Georg Michaelis: preussischer Beamter, Reichskanzler, christlicher Reformer 1857-1936. Eine Biographie. Schöningh, 2007, Sied 528