Herbie Fields

Vun Wikipedia
Zur Navigation springen Zur Suche springen

Herbie Fields (* 24. Mai 1919 in Asbury Park oder Elisabeth (New Jersey); † 17. September 1958 in Miami, Florida) weer en US-amerikaansch Jazz-Saxophonist un Klarinettist vun den Swing.

Fields hett van 1936 bit 1938 de Juilliard School of Music in New York besöcht. Dornah weer he bi Raymond Scott un dat Leonard Ware Trio. Van 1941 bit 1943 weer he Suldat un hett in Fort Dix en Army Band leit. Dornah hett he en eegen Band grünnd un speel 1944 Altsaxophon und Klarinett bi Lionel Hampton, as eenzig witt Musiker un Nahfolger vun Earl Bostic. Dor harr he mit „Hey Bop a Rebop“ en Hit un wunn 1945 den New Star Award vun dat Esquire Magazine för Altsaxophon. 1946 harr he weer en eegen Band bit 1947, de för RCA Victor upnehmen dee. In de Band hebbt ünner annern Neal Hefti, Bernie Glow, Manny Albam, Al Klink, Marty Napoleon un Serge Chaloff speelt. Se hebbt sück anfangs an de Hampton Band orienteert, hebbt aber Danzmusik mit Rhythm and Blues-Inslag speelt, womit se mäßigen Spood harrn. Fields hett denn de Big Band in en Quintett un denn in en Septett ümbildt. Dorin hebbt 1949/50 Jimmy Nottingham, Jim Aton, Bill Evans, Frank Rosolino un Tiny Kahn speelt. Fields is denn nah Miami trucken, wo he en Restaurant führen dee. Sien letzt Upnahmen hett he in’ Februar 1958 makt. In’ September vun dat sülvig Johr hett he sück mit Slaaptabletten üm’d Leven brocht.

Weblenken[ännern | Bornkood ännern]