Herbert Waas
Herbert Waas (* 8. September 1963 in Passau) is en ehmalger düütsch Footballspeler.
Sein Profikarriere fung bi TSV 1860 München in de 2. Football-Bundsliga an. In 35 Spelen hett he dor 11 Doren schaaten. Dornah is he 1982 to Bayer 04 Leverkusenwesselt, wo he bit 1990 bleev. Dat weer sien spoodriekste Tiet. In 209 Bundsligaspelen keem he up 72 Doren. Dornah speel he för en Johr bi den italieenschen Vereen FC Bologna bevör he 1991 to’n HSV wesselt is (33 Bundsligaspelen, 2 Doren). Dor bleev he aber man ok blots en Johr. Denn is he in de Swiez to’n FC Zürich wesselt un hett dor noch mol 19 Doren in 69 Spelen schaaten. In de Saison 1994/95 hett he noch eenmal in de Bundsliga anhüert. Bi Dynamo Dresden keem he aber noch blots to 5 Spele in de he ok kien Door schaaten hett. Sien Karriere hett he denn bi BSC Sendling utklingen laaten.
Tüschen 1983 un 1988 hett he ok 11 Mal in de düütsch Football-Natschonalmannschap speelt un en Door schaaten.
1988 wunn he mit Bayer 04 Leverkusen den UEFA-Pokal. In dat Final-Rückspeel tegen Espanyol Barcelona hörr he in dat entscheedend Elfmeterscheeten to de Doorschützen.