Herbert Panse

Vun Wikipedia

Herbert Panse (* 6. März 1914; † 25. August 1980) weer en düütsch Footballspeler un -trainer.

De Störmer speel in de 30er un 40er Johren vun dat 20. Johrhunnert för den Eimsbütteler TV un weer in disse Tiet mehrfaak Utwahlspeler för den Noorddüütschen Football-Verband un vun de Gau Noordmark. Mit sien Vereen hett he tüschen 1934 un 1942 fiev Mal de Meesterschap vun de Gauliga Noordmark wunnen; wenn dat allerdings üm de Düütsch Meesterschap gung sünd de Eimsbütteler in de Endrunden aber immer fröh utscheden.

Nah dat Enn’n vun de tweete Weltkrieg hett Panse wiederhenn för Eimsbüttel speelt. Mit sien Vereen hett he 1948 ok noch den Upstieg in de Football-Böverliga Noord schafft, dornah hett he bi TSG Vohwinkel 80 (1954 fusioniert to’n "Wuppertaler SV") un de SpVgg Andernach anhüert un weer dor ok as Trainer tätig.

In dat Johr 1935 speel Panse ok eenmal för de Düütsch Natschonalmannschap. In Königsbarg hebbt se tegen Lettland 3:0 wunnen un Panse schoot dat tweete Dor.

As Trainer weer Panse in’ Noorden u. a. en körten Tiet för den Eckernförder SV 1949 un den Lüneburger SK 1952 tätig; dorto noch för Altona 93 van 1952 bit 54 in de Böverliga Noord.