Henrich Becker

Vun Wikipedia
Zur Navigation springen Zur Suche springen

Henrich Becker (* 4. August 1747 in Dornum; † 10. Juli 1819 in Neefunnixsiel) weer en oostfreesch Kunstmaler, de vör allen dör Porträtmaleree bekannt un ok ansehn is.

Henrich Becker weer de öldste Söhn van den Dornumer Organisten un Schulmeester Johann Laurentz Becker un sien Fru Sophia Charlotte Röling. Över sien Kindheit un Jöögd (ab 1760 in Loquard bi Emden) is wenig bekannt, ebenso över den Anfang van sien künstlerisch Tätigkeit. Wiel Henrich Becker offenbar över sien Arbeit nipp un nau Book führen, un af en bestimmten Tietpunkt sien Porträts up de Rücksiet signieren un nummereren dee, is de Gesamtumfang van sien Schaffen ungefähr afschätzbar: Becker hett woll an de 500 Porträts maalt. Dorvan gifft dat hüüd noch rund 50 Bildnisse, de sück meest in Privatbesitt befinnen, aber eenige sünd ok in dat Landsmuseum in Emden. Sien Updraggever keemen ut Öörd as Emden, Pewsum, Arle, Nörden, Esens un Wittmund. Se keemen ut dat [[Börgerdom] ut de Tiet nah de franzöösch Revolutschoon un weern wohlhebbend Personen van Stand as Richter, Pastoren, Aftheker, Holthändler, Tabakfabrikanten, Chirurgen, Börgermeester, Diekrentmeester un begüterte Buern mit hör Fruen un Kinner.