De Born vun Helmut Kohl wiesen.

[[Bild:Helmut Kohl 1989.jpg|miniatur|Helmut Kohl (1989)]]
'''Helmut Josef Michael Kohl''' (* [[3. April]] [[1930]] in [[Ludwigshafen]]; † [[16. Juni]] [[2017]] ok dor) weer en [[Düütschland|düütschen]] [[Christlich Demokratsche Union vun Düütschland|CDU]]-Politiker.
He weer van 1969 bit 1976 [[Ministerpräsident]] vun dat Land [[Rhienland-Palz]] un van 1982 bit 1998 de sösste [[Bunnskanzler (Düütschland)|Bunnskanzler]] vun de [[Bunnsrepubliek Düütschland]]. Van 1973 bit 1998 weer he todem Parteivörsitter vun de CDU. Kohl hett den Prozess vun de Düütsch Weddervereenigen mitgestalt un hett maatgevend to de [[Europäisch Eenigung|europääsch Eenigungsprozess]] bidragen.

==Öllernhuus==
Helmut Kohl wurr 1930 as dart Kind vun de in dat ünnerfränkisch [[Greußenheim]] boren Finanzbeamten Hans Kohl (1887–1975) un de sien ut [[Ludwigshafen-Friesenheim]] stammend Fru Cäcilie boren Schnur (1890–1979) in Ludwigshafen boren. De Familie weer konservativ-kathoolsch präägt. Sien Geschwister weern Hildegard (1922–2003)<ref>[http://www.netzeitung.de/wirtschaft/256312.html# Helmut Kohls Schwester ist tot] netzeitung.de, 29.09.2003.</ref> un Walter (1926–1944).<ref name="adenauerstiftung_80geb">[http://www.kas.de/wf/de/71.8024/ Würdigung: 80. Geburtstag Helmut Kohl] Konrad Adenauer Stiftung, 2010.</ref> De Kinner hebbt hör Jöögd in de Friesenheimer Hohenzollernstraat verbrocht. Över de Beziehung to sien öllere Süster weet man nich völ, sien Bröer Walter, de he bannig verehrt hett, is fröh storven.<ref name="walterkohlwelt">[http://www.welt.de/politik/deutschland/article12327937/Walter-Kohl-und-die-grosse-Abrechnung-mit-dem-Vater.html Walter Kohl und die große Abrechnung mit dem Vater] Welt Online, 24.01.2011.</ref> Walter is November 1944 as Suldat bi en Deepflegerangreep dicht bi [[Mönster]] fallen.<ref name="walterkohlwelt"/>

=== Schooltiet / Studium ===
Helmut Kohl hett af den 1. April 1936 de [[Grundschool]] „Ruprechtschule“ un siet 1940 – de [[Tweete Weltkrieg]] weer all utbraken – de [[Max-Planck-Gymnasium Ludwigshafen|Böverrealschool]] besöcht. As 14-Johrig wurr Helmut Kohl in en Ludwigshafener Füerlöschtrupp insett un per Kinnerlandverschickung nah Erbach in den [[Odenwald]] un later nah [[Berchtesgaden]] brocht.<ref name="adenauerstiftung_80geb"/> Van dor kehr he in‘ April 1945 mit dree Schoolkameraden to Foot torüch nah  Ludwigshafen.<ref name="adenauerstiftung_80geb"/> Nah sien Rückkehr weer de Böverrealschool tonächst slooten, un Kohl fung in‘ August 1945 en landwertschaplich Lehr an.<ref name="adenauerstiftung_80geb"/> All in November 1945 kehr he aber weer an sien old School torüch un hett dor in März 1950 dat Abitur makt.<ref name="adenauerstiftung_80geb"/> 

To dat Sömmersemester 1950 fung he denn en Studium vun [[Rechtswetenschap]]en un [[Histoorsche Wetenschop|Historie]] in [[Frankfort an’n Main]] an, wat he aber nah twee Semester weer afbraken hett.<ref name="adenauerstiftung_80geb"/> To dat Wintersemester 1951/52 wessel he an de [[Ruprecht-Karls-Universität Heidelbarg|Universität Heidelbarg]] un hett en Magister-Studium mit de Hööftfaken Geschichte un Staatswetenschapen absolveert. Nahdem Kohl sien Studium 1956 mit den akadeemschen Grad [[Magister Artium]] beend harr, hett he en Stäe as Wetenschaplich Mitarbeiter an dat Alfred-Weber-Institut vun de Universität Heidelberg antreden. 1958 hett he mit de Dissertation ''Die politische Entwicklung in der Pfalz und das Wiedererstehen der Parteien nach 1945''<ref>[http://www.4shared.com/document/rwjYMthV/HK_1958_diss_transkript.htm PDF]</ref> bi [[Walther Peter Fuchs]] (1905–1997) sien Doktertitel (Dr. phil.) makt. Ansluutend wurr he Direktionsassistent bi en Iesengeeteree in Ludwigshafen un 1959 Referent bi den [[Verband der Chemischen Industrie]] in Ludwigshafen.

=== Privatleven ===
[[Bild:Bundesarchiv Bild 183-P0819-306, Leipzig, Besuch Helmut Kohl mit Familie.jpg|miniatur|Helmut Kohl mit Familie in Leipzig, 1975]]
1960 hett Helmut Kohl de Frömdsprakensekretärin [[Hannelore Kohl|Hannelore Renner]] (1933–2001) heiraadt, de he siet 1948 kennen dee. Ut de Ehe gungen de beid Söhns [[Walter Kohl (Ünnernehmer)|Walter]] (*&nbsp;1963) un Peter Kohl (*&nbsp;1965) hervör. In de folgend Johrteinten weer Kohl immer drup bedacht, en heel Familienleven dortostellen.<ref name="kampfumkohl">[http://www.spiegel.de/politik/deutschland/0,1518,741770,00.html Der Kampf um Helmut Kohl] Spiegel Online, 26. Januar 2011.</ref> So hebbt he un sien Fru siet Anfang vun de 1970er Johren hör veer Week düernden Sömmerurlaub stets in dat soltborgsch [[St. Gilgen]] an‘ [[Wolfgangsee]], in den eerst Johren ok mit de beid Kinner un immer weer in dat sülvige Huus direkt an den See, de dordör överall in Düütschland bekannt wurr.<ref name="wolfgangsee" /> Sommerinterviews ut de Ferien un stell Pressebiller vun en anschienend intakten börgerlich Familie hebbt immer to dat Urlaubsprogramm hörrt.<ref name="wolfgangsee">[http://www.nachrichten.at/nachrichten/politik/landespolitik/art383,362386 Helmut Kohl und der Wolfgangsee] nachrichten.at, 31. März 2010.</ref> Kohls Söhn Walter hett nahderhenn in en Book dit tekent Bild wedderspraken.<ref name="kampfumkohl" /> De Familie is nah de Dood vun Hannelore Kohl, de an‘ 5. Juli 2001 mit 68 Johren [[Sülvstmoord|Suizid]] begung, utnannerbraken.<ref name="kampfumkohl" /> Se harr tovör johrenlang ünner en [[Luchtallergie]] leeden.

Rund fiefenhalv Johr nah dat Enn‘ vun sien Kanzlerschap, an‘ 4. März 2004, stell Helmut Kohl den eersten Deel vun sien [[Memoiren]] ünner den Titel „Erinnerungen, 1930–1982“ vör. Se umfaaten de Johren 1930 bit to de Beginn vun sien Kanzlerschap 1982. De tweete Deel över de Regeerensjohren bit 1990 keem an‘ 3. November 2005, de darte Deel över de Johren bit 1994 an‘ 16. November 2007 herut. Een veerten afsluutend Band is plaant.  

In‘ Fröhjahr as ok in‘ Harvst 2007 harr Helmut Kohl twee Kneeoperatschonen, bi de hüm künstlich Gelenken insett wurrn.<ref>[http://www.tagesspiegel.de/politik/deutschland/kein-zorn-auf-thierse-und-keine-rache/1098220.html Tagesspiegel: Helmut Kohl – Kein Zorn auf Thierse und keine Rache]</ref> He befunn sück noch in de Rehabilitatschoo, as he sück in‘ Februar 2008 bi en swooren Störrt in sien Huus en [[Schädel-Hirn-Trauma]] totruck, wat noch in de sülvig Nacht opereert wurrn muss.<ref>[http://www.ksta.de/html/artikel/1269852349344.shtml Kölner Stadt-Anzeiger: Helmut Kohl wird 80 Jahre alt]</ref><ref>[http://nachrichten.t-online.de/helmut-kohl-will-nach-schwerem-sturz-wieder-oeffentlich-auftreten/id_18273090/index Ex-Kanzler Kohl tritt wieder öffentlich auf bei nachrichten.t-online.de]</ref> Sietdem bruukt he bi apenlich Uptreden en Rullstohl.  

[[Bild:Helmut Kohl und Maike Richter-Kohl.jpg|thumb|Helmut Kohl mit sien tweet  Ehefrau [[Maike Richter|Maike]] (2009)]]
Över de stuur Tiet nah den Störrt hett he sülvst seggt: „Wenn meine Frau nicht gewesen wäre, wäre ich nicht mehr am Leben, und wenn sie nicht bei mir wäre, wäre mein Leben heute sehr viel weniger lebenswert“.<ref>[http://www.spiegel.de/politik/deutschland/0,1518,687163,00.html "Kohl wird 80" SPIEGEL 3. April 2010]</ref> An‘ 8. Mai 2008 hebbt he un [[Maike Richter]] (*&nbsp;1964), mit de he siet 2005 in en fasten Beziehung leevt, in de Kapell vun en Reha-Klinik in [[Heidelbarg]] in‘ engsten Früendeskrink heiraadt.<ref>spiegel.de: [http://www.spiegel.de/panorama/leute/0,1518,553030,00.html], van‘ 13. Mai 2008, Abgerufen am 25. April 2010</ref> De beid Söhns Walter un Peter weern nich inlaaden.<ref>[http://www.bild.de/BILD/news/politik/2008/08/06/helmut-kohl-sohn-walter/gibt-erstes-interview.html „Du musst stehen“] Bild.de, 6. August 2008</ref> Trootüügen weerm de Medienünnernehmer [[Leo Kirch]] un [[BILD]]-Chefredakteur [[Kai Diekmann]]. Maike Richter, de nah de Hochtiet de Nahnaam Kohl-Richter annehm, harr Kohl in dat [[Bundskanzleramt (Düütschland)|Kanzleramt]] kennenlehrt, wo de Volkswirtin mit Doktertitel vun 1994 bit 1998 as Beamtin in de Wertschaftsafdeelen arbeiten dee. Nah [[Gerhard Schröder]] sien Wahlsieg weer se to de Finanzexperten vun de Unionsfraktschoon, [[Friedrich Merz]], wesselt. Nah en Tätigkeit as Journalistin bi de [[Wirtschaftswoche]] is se to Tiet Baas vun dat Referat Regional Wertschaptspolitik, Städerbau un Ruumordnung in dat [[Bundwertschaftsministerium]] (is aber beurlaubt).

Helmut Kohl leevt in den Ludwigshafener Stadtdeel [[Oggersheim]] un in [[Berlin]].

== Politisch Karriere ==

All as Schöler (1946) is Helmuth Kohl de CDU bitreden un weer ansluutend Mitbegrünner vun de [[Junge Union]] in sien Heimatstadt [[Ludwigshafen]] (1947). Sien politisch Aktivitäten hett he ok während sien Studium wieder verfolgt. 1953 wurr he Liddmaat vun den geschäftsführenden Vörstand vun de CDU in [[Rhienland-Palz]], 1954 stellvertreden Landsvörsitter vun de Junge Union vun Rhienland-Palz, 1955 Liddmaat vun den Landsvörstand vun de CDU Rhienland-Palz. 1959 wurr he Vörsitter vun de CDU-Kreisverband Ludwigshafen, 1960–1969 weer he Fraktschoonsführer vun de Stadtratsfraktion Ludwigshafen, af 1963 Fraktschoonsvörsitter in den Landdag vun Rhienland-Palz, van März 1966 bit September 1974 weer he Landsvörsitter vun de CDU vun Rhienland-Pfalz, 1966 Liddmaat vun den Bundsvörstand vun de CDU, af 1969 Stellvertreder un van 1973 bit 1998 Bundsvörsitter vun den CDU. En wichtigen Förderer vun Helmut Kohl weer de to Tieden vun den [[Natschonalsozialismus]] un [[Tweete Weltkrieg|Tweeten Weltkrieg]] vermögend wurrn Industrielle [[Fritz Ries]].

=== Ministerpräsident ===
[[Bild:Bundesarchiv B 145 Bild-F028914-0003, Ludwigshafen, CDU-Kongress, Helmut Kohl.jpg|miniatur|Helmut Kohl, 1969 in Ludwigshafen]]
As Kohl 1966 to’n Landsvörsitter vun de CDU vun Rhienland-Palz wählt wurr, weer he ok to’n Nahfolger vun [[Peter Altmeier]] in dat Amt vun den Ministerpräsidenten bestimmt. Nah de folgenden Landdagswahl wurr woll noch eenmal Altmeier Ministerpräsident, aber an‘ 19. Mai 1969 lhett Kohl hüm in dit Amt aflööst. Wichtig  Entscheidungen in Kohl sien Amtszeit weern de Gebietsreform un de Grünnen vun de Universität Trier-Kaiserslautern (hüüd: [[Universität Trier]], [[Technische Universität Kaiserslautern]]).

As Nahfolger vun [[Kurt Georg Kiesinger]] hett Kohl 1971 ahn Spood för den Bundsvörsitt vun de CDU kandideert un verlor tegen [[Rainer Barzel]]. 1973, en Johr nah Rainer Barzel sien scheitert [[Misstrauensvotum|Konstruktiv Misstrauensvotum]] tegen den amteerenden Bundskanzler [[Willy Brandt]], hett Kohl hüm as Bundsvörsitter vun de CDU aflööst un behull disse Parteifunktschoon 25 Johr bit to’n  7. November 1998.

=== Oppositschoonsführer ===

Bi de [[Bunddagswahl 1976]] is he eerstmals as Kanzlerkandidat vun sien Partei antreden. De CDU/CSU hett de [[afsolute Mehrheit]] mit 48,6 Perzent vun de  Stimmen blots knapp verfehlt un de [[sozialliberale Koalitschoon]] kunn sück behaupten. Dat weer aber bit dorhenn dat tweetbest Wahlergebnis vun de CDU/CSU överhoopt. Kohl is nah de Wahl as Ministerpräsident torüchtreden un wurr as  Vörsitter vun de CDU/CSU-Fraktschoon in‘ [[Düütsch Bundsdag|Düütschen Bundsdag]] in [[Bonn]] [[Oppositschoonsführer]]. Sien Nahfolger as Ministerpräsident wurr an‘ 2. Dezember 1976 [[Bernhard Vogel (Ministerpräsident)|Bernhard Vogel]]. Nah de verloren Wahl hett de CSU den ''[[Kreuther Trennungsbeschluss]]'' to de Upheven vun de Fraktschoonsgemeenschap mit de CDU faat, Kohl kunn aber tegen den CSU-Vörsitter [[Franz Josef Strauß]] de Fortführen dörsetten. Bi de [[Bundsdagswahl 1980]] muss he dorför Strauß den Vörtritt bi de Kanzlerkandidatur laaten. Wiel Strauß aber nah de verloren Wahl Ministerpräsident in Bayern bleev, weer Kohl wiederhenn Oppositschoonsführer.

Kohl weer van 1976 bit 2002 [[Liddmaat Düütsch Bundsdag|Liddmaat vun den Düütschen Bundsdag]].

=== Kanzler ===

==== Wahl un Uplöösen vun den Bundsdag ====
Nahdem sozial-liberal Koalitschoon vun Bundskanzler [[Helmut Schmidt]] an‘ 17. September 1982 utnannerbraken weer – dat geev swoorwegend Meenungsverscheedenheiten över de tokünftig Wertschapspolitik in de Bundsrepubliek – nehmen [[FDP]] un de [[Christlich Demokratische Union Deutschlands|CDU]]/[[Christlich-Soziale Union in Bayern|CSU]] an‘ 20. September 1982 Koalitschoonsgespräche up. Anlass för den Bröök weer ünner annern en  Strategiepapier vun de FDP, dat vun [[Otto Graf Lambsdorff]] utarbeit wurrn weer un  [[neoliberal]] Positschonen to en [[Reform]] vun den [[Arbeitsmarkt]]s enthull.

Kohl wurr för dat Amt vun den Bundskanzler nomineert un an‘ 1. Oktober 1982 in‘ Rahmen vun da teerst spoodriek [[Misstrauensvotum|konstruktiv Misstrauensvotum]] in de Historie vun den Bundsdag tegen den amteerenden Bundskanzler Helmut Schmidt to’n sössten [[Bundskanzler (Düütschland)|Bundskanzler]] wählt. Butenminister wurr, as ok all in de sozial-liberalen Koalitschoon, [[Hans-Dietrich Genscher]]. De Koalitionswessel weer binnerhalv vun de FDP bannig umstreeden. Wiel de FDP mit en Koalitschoonsutsaag togunsten vun de SPD in den Wahlkamp 1980 gahn weern, wurr fehlend materiell Legitimatschoon reklameert; formaal weer dat aber verfaatenskonform. Dorto keem, dat Kohl sien Kanzlerschap nich ut normal Bundsdagswahlen hervörgahn weer. Um dissen Makel to tilgen, hett Kohl en bannig umstreeden Verfohren dörführt: He stell den Bundsdag de Vertrauensfraag, över de an‘ 17. Dezember 1982 afstimmt wurr, Nahdem de Regeeerenskoalitschoon an‘ Dag tovör mit breet Mehrheit den Bundshuushollen för 1983 verafscheed harr; enthullt sück de Mehrtall vun de Afordneten vun de Regeerenskoalitschoon as vereenbort de Stimm, wodör dat wünscht Ergevnis tostannen keem: Kien Mehrheit för den Bundskanzler un dormit de Mögelkeit, den Bundspräsidenten de Uplöösen vun dat Parlament vörtoslahn. Bundspräsident [[Karl Carstens]] hett sück länger Tiet laaten mit de Entscheedung, sück denn aber in‘ Januar 1983 för de Uplöösen vun den Bundsdag un dat Utschrieven vun vörtrucken Bundsdagswahlen för den 6. März 1983. Gegen disse Vörgehenswies hebbt eenig Afordneten vör dat Bundsverfaatengericht klaagt, de aber den faststellt hett, dat dat Uplöösen nah de Verfaaten mögelk weer.

==== De eersten Johren vun sien Kanzlerschap ====

Bi de [[Bundsdagswahl 1983|Bundsdagswahl an‘ 6. März 1983]] wunn de Koalitschoon ut CDU/CSU un FDP mit Stimmengewinnen för de CDU/CSU (48,8 Perzent, +4,3 Perzentpunkten) un düütlichen Stimmenverlusten för de FDP (7,0 Perzent, -3,6 Perzentpunkten) de Mehrheit vun de Seeten in‘ Bundsdag. Helmut Kohl, de tüschen 1976 un 1998 sössmal as Kanzlerkandidat antreden, harr sien best Wahlergebnis (un dat tweetbest vun de Unionsparteien in de Historie vun de Bundsrepubliek). Kanzlerkandidat vun de  Sozialdemokraten weer de ehmalge Bundsjustizminister un Münchener Böverbörgermeester [[Hans-Jochen Vogel]].

In de eersten Johren vun sien Amtstiet hett Kohl den noch ünner de Regeeren Schmidt faaten [[NATO-Düppelbeschluss|NATO-Nahrüstungsbeschluss]] tegen den Wedderstand vun de [[Freedensbewegen]] dörsett.

An‘ 22. September 1984 hebbt sück Kohl un de franzöösche Staatspräsident [[François Mitterrand]] an den Oort vun de [[Slacht um Verdun]] drapen, um gemeensam an de Dooden vun beid Weltkriegen to gedenken. Dat Foto vun hör minütenlang Hannendruck wurr en Symbol vun de düütsch-franzöösch Utsöhnung. Kohl un Mitterrand wurr in de folgend Johren en besünners eng Vertrauensverhältnis nahseggt. Se hebbt gemeensam Projekte as dat  [[Eurokorps]] un den Feernsehsenner [[ARTE]] up den Weg brocht. Ok Fortschritte in de  europäisch Eenigung as de [[Verdrag vun Maastricht]] un later de Inführen vun den [[Euro]] wurrn wesentlich de eng düütsch-franzööschen Tososammenarbeit toschreven.

In‘ Toog vun de [[Flick-Affäre]] um illegale Zahlungen vun den Flick-Konzerns an düütsch Politiker wurr Kohl dör ''wg. Kohl''-Indraagen in dat sekerstellt Kassenbook belast. In den Ünnersökensutschuss vun den Bundsdag un den Mainzer Landdag hett Kohl nich de Wohrheit in‘ Betoog up sien Kenntnis vun den Zweck vun de [[Staatsbörgerlich Vereenigung]] as Spendenbeschaffungsanlaag un entgung nah en Anzeig vun [[Otto Schily]] blots knapp en Straafverfohren wegen uneidlich [[Falschutsaag]]. Kohls Parteifrüend [[Heiner Geißler]] hett hüm later mit den berühmt wurrn Kommentar, he harr wohl en „Blackout“ harrt, verteedigt. 

In Israel hett he an‘ 24. Januar 1984 vör de [[Knesset]] över de hüm todeel wurrn „[[Gnade der späten Geburt]]“, de Satz sülvst stamm vun [[Günter Gaus]].<ref>[http://www.dradio.de/dlr/sendungen/kalender/227514/ DeutschlandRadio Berlin – KalenderBlatt – Helmut Kohl trifft in Israel ein und spricht von der „Gnade der späten Geburt“<!-- Automatisch generierter titel -->]</ref>

An‘ 5. Mai 1985 hett Kohl gemeensam mit US-Präsident [[Ronald Wilson Reagan|Ronald Reagan]] in [[Bitburg]] en Kranz up den dortigen Soldatenkarkhoff daalleggt. Dat wurr in Deelen vun de düütsch un amerikaansch Apenlichkeit heftig diskuteert, wiel dor ok Liddmaaten vun de [[Waffen-SS]] beerdigt sünd (→ [[Bitburg-Kontroverse]]).

Bi de [[Bundsdagswahl 1987]] wurr Kohl in sien Amt bestätigt. Gegenkandidat vun de SPD weer de Ministerpräsident von [[Noordrhien-Westfalen]], [[Johannes Rau]].

==== De „Kanzler vun de Eenheit“ ====
[[Bild:Helmut Kohl in Krzyzowa.jpg|miniatur|Helmut Kohl in [[Krzyżowa]] (Kreisau/[[Schlesien]]), 1989]]
[[Bild:KohlModrowMomperBrandenburgerTor.jpg|miniatur|De Vörsitter vun den DDR-Ministerrat [[Hans Modrow]], Bundskanzler Helmut Kohl, de Regeeren Börgermeester (West-Berlin) [[Walter Momper]] un in‘ Achtergrund tüschen Kohl un Momper de Böverbörgermeester (Ost-Berlin) [[Erhard Krack]] as dat Brannenborger Dor an‘ 22. Dezember 1989 apen makt wurrn is]]
[[Bild:Helmut Kohl und William Cohen.jpg|miniatur|Bundskanzler Helmut Kohl un US-Verteidigungsminister [[William Cohen]] an‘ 5. März 1997 in Bonn]]
[[Bild:Bundesarchiv B 145 Bild-F086820-0012, Bonn, Bundespräsident ernennt Bundeskanzler Kohl.jpg|miniatur|Ernennung vun Kohl to’n eersten gesamtdüütschen Bundskanzler dör [[Bundspräsident]] [[Richard von Weizsäcker]] (1991)]]
Kohl hett as eerst düütsch Bundskanzler en Privatreis in de DDR makt. In‘ Mai 1988 is he spontan un ahn Begleitschutz för dree Daag mit sien Frau un sien Söhn Peter dör middeldüütsch Städer fohren. Later hett he disse Reis as en vun de bewegendsten vun sien Leven betekent.<ref>Jan Schönfelder und Rainer Erices, ''Westbesuch. Die geheime DDR-Reise von Helmut Kohl'', Bussert & Stadeler, Quedlinburg 2006</ref>

Nahdem sück de Tosommenbröök vun de [[DDR]] afteken dee un de [[Berliner Müer]] an‘ 9. November 1989 fallen weer, hett Helmut Kohl ahn vörherig Afspraak mit den  Koalitschoonspartner un den westlich Bündnispartnern an‘ 28. November 1989 in‘ Düütsch Bundsdag en „[[Zehn-Punkte-Programm]] zur Überwindung der Teilung Deutschlands und Europas“ vörleggt. An‘ 18. Mai 1990 wurr de Staatsverdrag över de Währungs-, Wertschaps- un Sozialunion mit de DDR ünnerschreven. Tegen den Wedderstand vun Bundsbankpräsident [[Karl Otto Pöhl]] harr Kohl dorin en Umtuuschkurs vun [[Mark der DDR]] in D-Mark vun 1:1 bi Löhnen, Gehältern, Mieten un Renten dörsett. Dat weer nahderhen en stark Belastung för Bedrieven in de Nee Bundslänner. Gemeensam mit Butenminister [[Hans-Dietrich Genscher]] hett dat in de so nömmt Zwei-plus-Vier-Gesprächen mit de Siegermächten vun den Tweeten Weltkrieg henkreegen, dat de de Tostimmung to de Düütsch Weddervereenigung geven hebbt [[Zwei-plus-Vier-Verdrag]] un ok tostimmt hebbt, dat dat weddervereenigt Düütschland in de NATO drin is.

De Düütsch Eenheit hett sück positiv up de wiedere Loopbahn vun Kohl as Bundskanzler utwirkt. Kohl weer dat 1989 up den Parteidag in Bremen blots swoor gelungen, en  „Putschversöök“ vun sien Gegner ut sien eegen Partei um [[Heiner Geißler]], [[Rita Süssmuth]] un [[Lothar Späth]] aftowehren. 

==== Kanzler vun dat weddervereenigt Düütschland ====
An’ 17. Januar 1991 hett de Düütsch Bundsdag Helmut Kohl to’n darten Mal to’n Bundskanzler wählt, nahdem he sück bi de [[Bundsdagswahl 1990]] tegen den Ministerpräsident vun dat [[Saarland]] un dormaligen SPD-Kanzlerkandidaten [[Oskar Lafontaine]] dörsett harr. Dormit wurr he to’n eersten Kanzler vun dat weddervereent Düütschland. 

Nah de knapp wunnen [[Bundsdagswahl 1994]] wurr Kohl weer to’n Bundskanzler wählt, ditmal harr he sück tegen den Ministerpräsidenten vun [[Rhienland-Palz]] [[Rudolf Scharping]] vun de SPD dörsett. De folgend Johren weern ehrder vun butenpolitischen Spood präägt ([[Frankfort an’n Main]] as Seet vun de nee schaffen [[Europäisch Zentraalbank|EZB]], [[Euro]]-Inführung). Innenpolitisch teken sück ok wegen de vun de SPD-domineert Bundsraat un de dormit inschränkt Handelnsfähigkeit vun de Bundsregeeren en Stagnatschoon af, de in de [[Bundsdagswahl 1998|Wahlnedderlaag 1998]] ennen dee. 

De Wahl wurr vun de [[SPD]] wunnen, de mit den dormaligen Ministerpräsidenten vun [[Neddersassen]] [[Gerhard Schröder]] as Kanzlerkandidat antreden weer. De christlich-liberale Koalitschoonsregeeren wurr denn vun en root-gröön Koalitschoon afgelöst, un Kohl wurr an’ 26. Oktober dör Bundspräsident [[Roman Herzog]] ut dat Amt entlaaten. Kohl führ bit to’n 27. Oktober 1998 blots noch en geschäftsführend Bundsregeeren. 

Bi de [[Bundsdagswahl 2002]] hett sück Kohl nich mehr um en Mandat bewurben. 

==== Witz, Satire un Parodie ====
Helmut Kohl weer as meest kien anner Politiker ut de Bundsrepubliek Düütschland  Gegenstand vun politischem un ok unpolitischem Humor. De woll bekannst un andüernst satirisch Dorstellung vun den Kanzlers kreeg dat düütsch Satiremagazin ''[[Titanic (Magazin)|Titanic]]'' henn, dat den Kanzler beernförmig inklusive Stängel karikeert hett – „Beern“ wurr ähnlich as bi den franzööschen ''Börgerkönig'' [[Ludwig Philipp I. (Frankriek)|Ludwig Philipp]] en Schmähwoort as en karikaturistisches Symbol för Helmut Kohl.

Up dat Korn wurrn ok sien mangelnd Frömdspraakenkenntnisse, sien massig Statur, sien Volksdömlichkeit as provinzielle Herkunft nommen. Kohl-Imitatoren as de Parodist [[Stephan Wald]] hebbt sück sien sien Palzer Spraak annommen, mitsamt de hüm eegen  [[Hyperkorrektur|hyperkorrigeerten Utspraak vun dat des ''sch'']] („Ge''ch''ichte“). [[Dieter Hildebrandt]] mokeer sück in en Parodie vun Matthias Claudius sien Gedicht [[Abendlied (Matthias Claudius)#Parodien|Abendlied]] („Der Mond ist aufgegangen“) över Helmut Kohl sien Angewohnheit, frömd Texte mit eegen Ideen to ergänzen.<ref>Dieter Hildebrandt: Der Mond ist aufgegangen – http://www.dieterhildebrandt.com/?page=text,mond</ref>

=== Parteispendenaffäre un sien Tiet nah de Kanzlerschap ===

In de [[CDU-Spendenaffäre]] nah de verloren Bundsdagswahl 1998 hett Kohl de Herkunft vun en Bedrag vun eeneenhalf bit twee Million DM verschweegen, ofschoons he nah dat [[Gesett över de politischen Parteien|Parteiengesetz]], dat he as Bundskanzler sülvst ünnerschreeven harr, un de dorin fastleggt [[Publikationsplicht]] to Utkunft verpflicht weer. Bit hüüd nimmt Kohl kien Stellung to dat Thema. Sien Argumentation, he harr dat Geld vun Spendern kreegen, de he mit en „[[Ehrenwort]]" verspraaken harr, hör Naam to verschwiegen, steiht in‘ Gegensatz to de geltend Rechtslaag un hett hüm dormals völ apenlich Kritik inbrocht. För de de CDU dör de ansluutend Sperrung vun de [[Wahlkampköstenerstattung]] entstahn finanziellen Inbußen keem Kohl mit Geld ut en privaten Spendenaktion up.

En vun‘ Bundsdag insett [[Ünnersökensutschuss]] hett sück vun Dezember 1999 bit Juni 2002 mit de [[CDU-Spendenaffäre]] utnannersett. De Arbeit vun den Utschuss wurr vun heftig parteipolitischen Utnannersetten begleit. An‘ 18. Januar 2000 muss Kohl wegen sien Rolle in de CDU-Finanzaffäre up den [[Ehrenvörsitter|Ehrenvörsitt]] vun de CDU verzichten. Wegen den Verdacht vun [[Untrüe]] to‘n Nahdeel vun sien Partei hett de Bonner [[Staatsanwaltschap]] 2000 en Ermittlungsverfohren tegen Kohl inleit, dat 2001 tegen Betallen vun en Geldbuße in Höhe von 300.000 DM wegen gering Schuld gemäß § 153 a [[Straafperzessoordnung (Düütschland)|StPO]] instellt wurr.

[[Bild:Boris Yeltsin 19 October 2000.jpg|miniatur|Kohl (links) un [[Boris Jelzin]] 2000 up de [[Frankforter Bookmesse]]]]

In‘ Rahmen vun Presseveröffentlichungen to dat [[Insolvenz]]verfahren vun [[KirchMedia]] af 2002 wurr bekannt, dat Kohl to de Politikern tellen dee, de [[Leo Kirch]] dör ümstreeden Beraderverdrääg an sien Ünnernehmen bunnen harr. Kohl harr nah sien Kanzlerschap dree Johre lang jeweils 600.000 DM kreegen. Kritiker as [[Hans Herbert von Arnim]] hebbt dorup henwiest, dat Kirch sien Medienimperium während der Kanzlerschap ünner Helmut Kohl vun en besünners Kirch-früendlichen Medienpolitik profiteert hett. Konkret Verdachtsmomente kunnen aber nie bewiest wurrn. 

De annommen Vernichtung vun verscheeden Akten ut Kohls Amtstiet wurrd völfak ironisch as [[Bundeslöschtage]] betekent.

Um de beabsichtigte Verapenlichung vun Kohl sien [[Stasi-Ünnerlagen]] keem dat in de Johren 2000 bit 2004 to en umfangriek verwaltensgerichtlich Utnannersetten (''[[Fall Kohl]]''). In‘ Ergebnis muss he de Verapenlichung vun sensibel Informatschonen nich dulden.

In‘ Wahlkamp to de [[Parlamentswahlen in Italien 2006]] hett Kohl utdrücklich sien Früend, den Herutforderer un ehmalgen [[EU-Kommission]]spräsidenten [[Romano Prodi]], för de Kandidatur vun dat Mitte-Links-Bündniss [[L’Unione]] ünnerstütt. Ofschons mit de in de dormals amteerend Bündnis [[Casa delle Libertà]] vertreden [[Forza Italia]] vun de dormaligen Ministerpräsidenten [[Silvio Berlusconi]] en Liddmaat vun de vun de CDU mitgestalt Tosommensluss [[Europäisch Volkspartei]] (EVP) kandideeren de, hett Kohl bi en Besöök in Rom verklort:„Ich möchte, dass mein Aufenthalt hier als Unterstützung für Prodi verstanden wird, der ein großer Europäer ist“.<ref>[[Focus]]: [http://www.focus.de/politik/ausland/wahlkampf-in-italien_aid_105538.html Kohl unterstützt Berlusconi-Gegner] 28. Februar 2006</ref>

Siet 1990 weer Helmut Kohl jedes Johr för den [[Freedensnobelpries]] nomineert wurrn<ref>[http://www.spiegel.de/politik/ausland/0,1518,653965-2,00.html Der Spiegel: Friedensnobelpreis-Kandidaten]</ref>, in‘ Fröhjohr 2007 etwa wurr Helmut Kohl vun EU-Kommissionspräsident [[José Manuel Durão Barroso]] as ok vun Michail Gorbatschow för de Utteknung vörslahn.<ref>[[Der Spiegel]]: [http://www.spiegel.de/politik/deutschland/0,1518,478654,00.html Kein Nobelpreis für Kohl] 21. April 2007</ref><ref>[http://www.focus.de/politik/schlagzeilen?day=20070612&did=400531 Focus: Gorbatschow schlägt Kohl für Friedensnobelpreis vor] 12. Juni 2007</ref>

In‘ Juli 2009 hett Kohl sien Ämter in de vun sien storven Fru grünnd [[ZNS – Hannelore Kohl Stiftung|Hannelore-Kohl-Stiftung]] daalleggt; he hett dat mit de Övernahm vun de Stiftung dör Personen begrünnd, de „in keiner Beziehung zu seiner verstorbenen Frau standen“.<ref>[http://www.spiegel.de/politik/deutschland/0,1518,633698,00.html „Helmut Kohl verlässt Stiftung seiner verstorbenen Frau“, www.spiegel.de, afroopen an‘ 1. Juli 2009]</ref>

Anlässlich vun de Fiern to’n 20. Johresdag vun den [[Mauerfall]] hett sück Helmut Kohl an‘ 31. Oktober 2009 in‘ Berliner [[Friedrichstadtpalast]] noch eenmal mit sien dormalig Verhannelnspartners, den fröheren sowjetschen Staatschef [[Michail Gorbatschow]] un den dormaligen US-Präsidenten [[George Herbert Walker Bush|George Bush senior]] drapen. De dree Staatsmänner hebbt dorbi an de dramatisch Daag von dormals erinnert.<ref>[http://www.welt.de/politik/article5047308/Der-grosse-Auftritt-des-gezeichneten-Helmut-Kohl.html ''Der große Auftritt des gezeichneten Helmut Kohl'']</ref> Den Festlichkeiten an‘ 9. November 2009 un den Empfang vun den Bundspräsidenten
för tallriek Staatschefs bleev Kohl fern. Offiziell wurrn gesundheitlich Grünnen angeven, tatsächlich sall aber de Grund ween hemm, dat dat Bundskanzleramt hüm kien Maschien ut de Floogbereitschaft to Verfügung stellen wull.<ref>[http://www.spiegel.de/politik/deutschland/0,1518,666680,00.html ''Kohl wäre nur im Regierungs-Jet gekommen'']</ref>

== Worför he sück later noch insett hett ==
Helmut Kohl engageer sück för dat Uparbeiten vun de [[SED-Diktatur]]. 1996 hörr he to de Grünnensliddmaaten vun dat [[Bürgerbüro e.&nbsp;V.|Bürgerbüro Berlin]], een Vereen för dat Uparbeiten vun Folgeschäden dör de SED-Diktatur, an de sien Grünnen Bürgerrechtler as to'n Bispeel [[Bärbel Bohley]] un [[Jürgen Fuchs]] oder Persönlichkeiten as [[Ignatz Bubis]] bedeeligt weern un dat he siet dem ünnerstütten dee. Siet 2003 is he todem Grünnensliddmaat vun de Fördervereen vun de [[Gedenkstäe Berlin-Hohenschönhausen]].

== Utteknungen un Ehrungen (Uttoog) ==
[[Bild:Helmut-Kohl-Rose (Tantau 1996).jpg|thumb|De nah den Oldkanzler nömmt <br /> Helmut-Kohl-Rose, en Teehybride]]
1977 kreeg Kohl dat [[Grootkrüüz vun de Verdeenstoorden vun de Italiensch Republik]]. 1988 kreeg he för sien Verdeensten um de düütsch-franzöösch Früendschap un för de Tokunft vun Europa gemeensam mit [[François Mitterrand]] den [[Aken|Akener]] [[Karlspries]]. Kohl kreeg 1993 den [[Düütsch Medienpries|Düütschen Medienpries]] in [[Baden-Baden]]. 1996 wurr he in [[Löwen]] Ehrendokter vun de [[Katholieke Universiteit Leuven]]. Anfang 1996 kreeg he vun de weltgröttst jöödsch, ''[[B’nai B’rith]]'', en Oorden för humanitäre Verdeenste. De [[Edmond Israel Foundation]] hett hüm 1997 den „Vision for Europe Award“ verleeht.

De Europäisch Union hett Helmut Kohl an’ 11. Dezember 1998 to’n [[Ehrenbörger vun Europa]] ernannt, en Titel, de tovör blots an [[Jean Monnet (Ünnernehmer)|Jean Monnet]] vergeeven wurrn weer. 1999 kreeg Kohl denn noch de ''[[Presidential Medal of Freedom]]'' un an’ 31. Oktober 1999 kreeg he de [[St. Liborius-Medaille für Einheit und Frieden]] vun dat [[Arzbisdom  Patterbuorn]].

För sien Verdeensten um de düütsch Eenheit un de dormit verbunnen Bidrag för dat Överwinnen vun de Spalten vun Europa wurr de fröhere Bundskanzler 2000 mit den [[Pries vun den Westfäälschen Freeden]] uttekent.

2003 kreeg he den [[Pries vun de beleidigt Tokieker]] för sien Utsaag to de [[CDU-Spendenaffäre]]: ''„Die Gelder sammle ich, um das nötige Geld zu haben, um jetzt eine große Untersuchung anzustellen über die Vaterlandsverräter und Leugner der [[Deutsche Wiedervereinigung|Deutschen Einheit]]. Etwa bei bestimmten Machenschaften der ARD.“''

In dat Johr  2004 wurr hüm de [[Adalbert-Stiftung Krefeld|Internatschonal Adalbert-Pries]] in [[Warschau]] vun den poolschen Staatspräsidenten överreich. Kohl is neben [[Konrad Adenauer]] de tweet Dräger vun dat [[Bundsverdeenstkrüüz|Grootkrüüz in besünner Utführung]] vun den Verdeenstoorden vun de Bundsrepubliek Düütschland.

Helmut Kohl is [[Ehrenbörger]] vun de Städer [[Frankfurt am Main]] un [[Berlin]]. 1985 wurr he as eerst Düütsche Ehrenbörger vun sien öösterrieksch Urlaubsoort [[St. Gilgen]].<ref>[http://www.abendblatt.de/extra/service/944949.html?url=/ha/1985/xml/19850802xml/habxml850709_4750.xml Ehrenbürger in St. Gilgen]</ref>  An 2. September 2005 wurr he Ehrenbörger vun sien Heimatstadt [[Ludwigshafen an‘ Rhein]]. De [[Laudatio]] hull de Premierminister vun [[Luxemborg]], [[Jean-Claude Juncker]]. Todem kreeg Kohl vun verscheeden [[Universität]]en in dat In- un Utland de [[Ehrendokter]]würde.

Gemeensam mit [[George Herbert Walker Bush]] un [[Michail Gorbatschow]] kreeg Kohl an‘ 17. Juni 2005 vör 10.000 Tokiekers den „[[Point Alpha Pries]] för Verdeenste um de Eenheit vun Düütschland un Europa in Freeden und Freeheit“.

In‘ September 2005 kreeg he den [[Franz Josef Strauß-Pries]] vun de [[Hanns-Seidel-Stiftung]]. De Laudatio hull de fröhere [[CSU]]-Vörsitter [[Theodor Waigel]], de in dat Kabinett vun Helmut Kohl [[Bundsfinanzminister]] weer.

An‘ 3. Oktober 2005 wurr de Politiker mit de [[Quadriga (Pries)|Quadriga]] uttekent, mit de de Vereen [[Werkstatt Deutschland]] herutragend Europäer vun de Nahkriegshistorie ehrt. De Oldkanzler wurr dormit nich blots wegen de Verdeensten um de Eenheit vun Düütschland, sonnern ok um sien Bemühen vun de europäisch Eenheit würdigt. De Laudatio hull de fröhere sowjeetsch Staatspräsident [[Michail Gorbatschow]].

An‘ 17. Februar 2006 wurr Helmut Kohl mit de Sonnerpries vun den [[Konrad-Adenauer-Pries]]es för Kommunalpolitik vun de [[Kommunalpolitisch Vereenigung vun de CDU un CSU in Düütschland (KPV)]] uttekent.

An‘ 20. Juni 2006 kreeg Helmut Kohl in dat Yuste-Kloster bi Cáceres den spaanschen Europapries. In de vun [[Felipe González Márquez|Felipe González]] verlesen Laudatio wurr Kohl as „groot Architekt“ för en eenigt Europa betekent.

An‘ 25. Januar 2007 hett de Swiezer Bundspräsidentin [[Micheline Calmy-Rey]] hüm in [[Lausanne]] de goldene Medaille vun de Jean-Monnet-Stiften övergeven

An‘ 8. Mai 2009 kreeg he in [[Stuttgart]] den [[Hanns Martin Schleyer-Pries]] un an‘ 26. November 2009 den [[Bambi (Utteknung)|Millenniums-Bambi]], övergeven vun sien [[Laudator]] [[Theodor Waigel]].

An‘ 26. April 2010 wurr Kohl mit den hoochdoteerten [[Roland Berger Pries för Minschenwürde]] uttekent. För den ut gesundheitlich Grünnen hinnerten Kohl nehm de Ministerpräsident vun Hessen, [[Roland Koch]] den Pries vun Bundspräsident [[Horst Köhler]] entgegen. Laudator weer [[Wladyslaw Bartoszewski]], ehmalger Butenminister vun  Polen.<ref>[http://www.bild.de/BILD/politik/2010/04/26/helmut-kohl-ehrung-fuer-den-altkanzler/cdu-politiker-erhaelt-roland-berger-preis-fuer-menschenwuerde.html „Helmut Kohl ist und bleibt ein Denkmal“], [[Bild (Zeitung)|Bild]], 27. April 2010</ref> Vun de mit een Million Euro doteerten Pries hett Kohl in‘ Juni 2010 700.000 Euro de [[Ruprecht-Karls-Universität Heidelbarg]] un de restlich 300.000 Euro för den Bau vun en Krankenhuus in [[Sri Lanka]] spend.<ref>[http://www.abendblatt.de/politik/deutschland/article1473507/Altkanzler-Kohl-spendet-eine-Million-Euro-Preisgeld.html ''Altkanzler Kohl spendet eine Million Euro Preisgeld'']. Meldung up abendblatt.de van‘ 22. Juni 2010</ref>

== Warken ==
* ''Die politische Entwicklung in der Pfalz und das Wiedererstehen der Parteien nach 1945''. Dissertation, Universität Heidelbarg 1958
* ''Zwischen Ideologie und Pragmatismus. Aspekte und Ansichten zu Grundfragen der Politik''. Verlag Bonn Aktuell, Stuttgart 1973, ISBN 3-87959-014-1
* ''Konrad Adenauer 1876/1976''. Belser, Stuttgart 1976, ISBN 3-7630-1163-3
* ''Reden'' und ''Berichte der Bundesregierung''. Presse- und Informationsamt der Bundesregierung, Bonn (tallriek Eenzelverapenlichungen)
* ''Die Deutsche Einheit. Reden und Gespräche''. Lübbe, Bergisch Gladbach 1992, ISBN 3-7857-0665-0
* ''Der Kurs der CDU. Reden und Beiträge des Bundesvorsitzenden 1973–1993''. Hrsg. von [[Peter Hintze]] und [[Gerd Langguth]]. DVA, Stuttgart 1993, ISBN 3-421-06659-0
* ''„Ich wollte Deutschlands Einheit.“'' Dorstellt vun [[Kai Diekmann]] un Ralf Georg Reuth. Propyläen, Berlin 1996, ISBN 3-549-05597-8.
* ''Mein Tagebuch 1998–2000''. Droemer Knaur, München 2000, ISBN 3-426-27241-5
* ''Erinnerungen. 1930–1982''. Droemer Knaur, München 2004, ISBN 3-426-27218-0
* ''Erinnerungen. 1982–1990''. Droemer Knaur, München 2005, ISBN 3-426-27320-9
* ''Erinnerungen. 1990–1994''. Droemer Knaur, München 2007, ISBN 3-426-27408-6

As Herutgever:
* ''Der neue Realismus – Außenpolitik nach Iran und Afghanistan''. Düsseldörp, 1980 ISBN 3-88458-017-5

== Literatur ==
* [[Walter Kohl (Ünnernehmer)|Walter Kohl]]: ''Leben oder gelebt werden: Schritte auf dem Weg zur Versöhnung.'' Integral, 2011, ISBN 978-3778792049.
* Wolfram Bickerich, Hans-Joachim Noack: ''Helmut Kohl. Die Biografie.'' Rowohlt Verlag, Berlin 2010, ISBN 978-3-87134-657-6.
* Daniel Biskup (Fotografien), Annotationen: Helmut Kohl: ''Helmut Kohl. In Geschichte und Gegenwart.'' Collection Rolf Heyne, München 2010, ISBN 978-3-89910-454-7.
* [[Jürgen Busche]]: ''Helmut Kohl. Anatomie eines Erfolgs''. Berlin-Verlag, Berlin 1998, ISBN 3-8270-0282-6.
* Patricia Clough: ''Helmut Kohl. Ein Porträt der Macht''. dtv, München 1998, ISBN 3-423-24122-5.
* Klaus Dreher: ''Helmut Kohl. Leben mit Macht''. DVA, Stuttgart 1998, ISBN 3-421-05122-4.
* Klaus Dreher: ''Kohl und die Konten. Eine schwarze Finanzgeschichte''. DVA, Stuttgart 2002, ISBN 3-421-05441-X.
* [[Wieland Elfferding]]: ''Helmut Kohl als Medienereignis. Zum Medien- und Machtdiskurs im Wahljahr 1994''. In: Jörg Becker (Hrsg.): ''Medien, Macht und Märkte''. Zürich 1994, ISBN 3-909160-06-9.
* [[Bernt Engelmann]]: ''Schwarzbuch Helmut Kohl oder: Wie alles begann''. Steidl, Göttingen 2000, ISBN 3-88243-728-6.
* Werner Filmer, [[Heribert Schwan]]: ''Helmut Kohl''. 4. Auflage. Econ, Düsseldörp u.&nbsp;a. 1990, ISBN 3-430-12746-7.
* [[Alexander Gauland]]: ''Helmut Kohl. Ein Prinzip''. Rowohlt, Berlin 1994, ISBN 3-87134-206-8.
* [[Eckhard Henscheid]]: ''Helmut Kohl. Biographie einer Jugend''. Haffmans, Zürich 1985, ISBN 3-251-00061-6 (satirisch Biographie).
* Klaus Hofmann: ''Helmut Kohl. Eine politische Biographie''. MVG, Stuttgart u.&nbsp;a. 1991, ISBN 3-87959-443-0 (ergänzt Neeuplaag vun ''Helmut Kohl. Kanzler des Vertrauens'').
* [[Hans Klein (Politiker, 1931)|Hans Klein]]: ''Es begann im Kaukasus. Der entscheidende Schritt in die Einheit Deutschlands''. 2. Auflage. Ullstein, Berlin und Frankfort an' Main 1991, ISBN 3-550-07806-4.
* [[Peter Knorr]], [[Hans Traxler]]: ''Birne. Das Buch zum Kanzler. Eine Fibel für das junge Gemüse und die sauberen Früchtchen in diesem unserem Lande''. Zweitausendeins, Frankfort an' Main 1983 (Satire).
* [[Christian Graf von Krockow]]: ''Porträts berühmter deutscher Männer. Von Martin Luther bis zur Gegenwart''. List, München 2001, ISBN 3-548-60447-1, S. 427–478.
* [[Jürgen Leinemann]]: ''Helmut Kohl. Ein Mann bleibt sich treu''. Aufbau, Berlin 2001, ISBN 3-7466-7038-1 (wieder makt Neeuplaag vun ''Helmut Kohl. Die Inszenierung einer Karriere'').
* [[Werner Maser]]: ''Helmut Kohl. Der deutsche Kanzler''. Wieder makt Neeuplaag. Ullstein, Frankfurt am Main und Berlin 1993, ISBN 3-548-35275-8 (Biographie).
* Konrad R. Müller (Fotos): ''Helmut Kohl''. Lübbe, Bergisch Gladbach 1991, ISBN 3-404-61215-9 (Bildband mit einem Essay von [[Peter Scholl-Latour]]).
* Klaus Rathje, Jürgen Sacht: ''Das kleine Helmut-Kohl-Lexikon. Das Universum Helmut Kohl. Politische Freunde und Feinde, Kindheit und Jugend, Spargelessen und Saumagen, die Mechanismen der Macht, das System der Schwarzen Kassen''. Lexikon, Berlin 2002, ISBN 3-89602-293-8.
* [[Bernhard Vogel (Ministerpräsident)|Bernhard Vogel]] (Hrsg.): ''Das Phänomen. Helmut Kohl im Urteil der Presse 1960–1990''. DVA, Stuttgart 1990, ISBN 3-421-06567-5 (internationale Pressestimmen).
* Reimut Zohlnhöfer: ''Die Wirtschaftspolitik der Ära Kohl. Eine Analyse der Schlüsselentscheidungen in den Politikfeldern Finanzen, Arbeit und Entstaatlichung, 1982–1998.'' Opladen 2001, ISBN 3-8100-3159-3.

== Weblenken ==
{{Commons}}

== Enkeld Nahwiesen ==
<references />


{{Bunnskanzler BRD}}
{{Navigatschoonsliest Parteivörsitter CDU}}
{{Navigatschoonsliest Fraktschonsvörsitter CDU/CSU}}

{{DEFAULTSORT:Kohl, Helmut}}

[[Kategorie:Mann]]
[[Kategorie:Börger von Düütschland]]
[[Kategorie:Rhienland-Palz]]
[[Kategorie:Politiker (Düütschland)]]
[[Kategorie:Landdagsafordneter (Rhienland-Palz)]]
[[Kategorie:Liddmaat Düütsch Bundsdag]]
[[Kategorie:CDU]]
[[Kategorie:Dräger vun’t Bundsverdeenstkrüüz]]
[[Kategorie:Boren 1930]]
[[Kategorie:Storven 2017]]