Heinz Kluge (Biathlet)

Vun Wikipedia
Wesseln na: Navigatschoon, Söök

Heinz Kluge (* 21. Mai 1938 in Auerbach) is en ehmalger düütsch Biathlet.

Heinz Kluge, de in sien aktiv Tiet för de SG Dynamo Zinnwald loopen dee, hörr in de tweet Hälft vun de 1960er Johren to de spoodrieksten ostdüütschen Biathleten. 1965 wunn he achter Egon Schnabel de Sülvermedaille in't Eenzel, 1967 kunn he sück noch vör Helmut Klöpsch tüschen de beid schuven. In' Militärpatrouillenloop wunn Kluge 1963 an de Siet vun Hans-Dieter Riechel, Klöpsch un Dieter Ritter den Titel, twee Johr later wurr he gemeensam mit Klöpsch, Horst Koschka un Dieter Speer Viezmeester achter de Mannschap vun ASK Vorwärts Oberhof.

Internatschonal os Kluge eerstmals bi de Biathlon-Weltmeesterschapen 1965 in dat norweegsch Elverum antreeden un belegg dor as best Düütsche Platz 5 över 20 Kilometer. Dat weer togliek de bit dorhen best WM-Platzeeren vun en düütschen Starter. Hööchtpunkt vun sien Loopbahn weer de Deelnahm an de Olympisch Winterspelen 1968 in Grenoble. In't Eenzel keem he dorbi up den 24. Platz, mit de Staffel wurr he an de Siet vun Koschka, Hans-Gert Jahn un Speer Sösst. Nah sien aktiv Karriere wurr Kluge Nahwusstrainer un hett in Zinnwald ünner annern Raik Dittrich betrüet.

Weblenken[ännern | Bornkood ännern]