Heinrich von Allwörden GmbH

Vun Wikipedia
Zur Navigation springen Zur Suche springen

De Heinrich von Allwörden GmbH is en Bäckeree-Ünnernehmen ut Mölln. 2015 hett dat Ünnernehmen en Ümsatz von 96 Milljonen Euro maakt.[1]

Historie[ännern | Bornkood ännern]

1906 hett Heinrich von Allwörden en Bäckeree un Kunditeree mit Dampbackaven an’n Borggraven in Sterly grünnt.[2] 1910 is de Bäckeree in de Dörpstraat 19 ümtagen.[2] Nadem in’n Tweten Weltkrieg Heinrich von Allwörden sien Söhns all dree fullen sünd, hett he na’n Krieg dat Geschäft mit sien Swiegerdochter wiederföhrt.[2] 1961 övernehm de Grootsöhn Heinrich junior de Bäckeree.[2]

Siet 1963 hett dat Geschäft in Sterly ok Levensmiddel verköfft.[2] 1976 möök de Bäckeree denn de eerste Filiaal op: in Ratzborg in de Jägerstraat.[2] 1977, 1980 un 1986 kemen dor noch mehr Filialen in Ratzborg to.[2] 1988 hebbt se en Filiaal in Mölln apenmaakt un na de Wenn ok noch Filialen in Mekelborg-Vörpommern.[2] 1991 övernehm Heinrich jr. von Allwörden sien Söhns Ralf, Manfred un Carsten dat Geschäft un 1993 möök de eerste Filiaal in Hamborg apen.[2] Na düsse Tied sünd dor noch en ganze Reeg Filialen in Hamborg, Sleswig-Holsteen, Mekelborg-Vörpommern un in’n Noorden von Neddersassen tokamen.[2]

In dat Johr 2000 möök von Allwörden en tweten Backbedriev in Rellingen op.[2] Kort later, an’n 31. August 2000, is de Bedriev in Sterly afbrennt.[2] In blots dree Maand hett dat Ünnernehmen en ne’en Backbedriev in Mölln hoogtagen, de an’n 31. Dezember 2000 inwieht worrn is.[2] Sietdem is de Seet von dat Ünnernehmen in Mölln un nich mehr in Sterly.

Nadem Carsten von Allwörden 2007 bi’t Joggen en Hartinfarkt kregen hett un doodbleven is, sünd blots noch Ralf un Manfred von Allwörden Geschäftsföhrers.

2008 övernehm von Allwörden de Biobäckeree Knaack ut Groot Grönau mit 38 Filialen.[2] Dormit is de Tall an Filialen op över 200 stegen.[2]

In’n September 2010 hett de Kamps GmbH ehren Backbedriev in Lokstedt un de rund 100 Filialen in Hamborg an dat Ünnernehmen Nur hier GmbH verköfft, wat en Dochter von de Bäckeree von Allwörden is. Den Backbedriev un de Filialen harr Kamps 1996 köfft. Vör 1996 sünd se ünner den Markennaam Nur hier lopen. Von Allwörden hett de Filialen na 2010 denn wedder op düssen olen Naam ümstellt.

2014 hett von Allwörden ok 19 Filialen mit en Ümsatz von 7 Milljonen Euro von de Landbäckeree Uns Noorden övernahmen, de vörher to de coop eG tohöört harrn.[3]

Footnoten[ännern | Bornkood ännern]

  1. Jürgen Hoffmann: „Wir wollten mitten hinein“, welt.de an’n 6. August 2016
  2. a b c d e f g h i j k l m n o Geschichte der Bäckerei von Allwörden
  3. Allwörden übernimmt "Unser Norden-Landbäckerei", backwelt.de an’n 2. Januar 2014

Weblenken[ännern | Bornkood ännern]