Heinrich Küster (Landraad)

Vun Wikipedia
Zur Navigation springen Zur Suche springen

Heinrich Küster (* 30. März 1858 in Hannover; † 11. November 1915 in Berlin-Wilmersdörp) weer en düütschen Verwaltungsbeamten.

Küster is 1858 in Hannover boren un hett Juristeree studeert. He is 1879 Gerichtsreferendar un 1885 Regerungsassesser worrn un weer von’n 1. April 1885 af an de eerste Landraad von’n ne’en Kreis Jörk. Dat is he bet 1891 bleven, as Walter Teßmar dat Amt övernahmen hett.

1891 is he denn Regerungsraad bi dat Oberpräsidium Sleswig worrn un 1896 Hülpsarbeider in dat Ministerium för Bueree. He is Gehemen Regerungsraad worrn, 1900 Gehemen Böverregerungsraad, 1907 Ministerialdirekter, 1910 Ünnerstaatssekertär in dat Ministerium för Bueree un 1915 Würklichen Geheemraad.

Küster hett en Ehrendokter in Vehdokteree kregen. Na em is ok de Finkwarder Kutter Landrath Küster nöömt, de 1888 boot worrn is.