Heinrich Aumund

Vun Wikipedia

Heinrich Aumund (* 10. April 1873 in Oosterholt; † 24. Februar 1959 in Homberg) weer en düütschen Ünnernehmer un Perfesser.

Aumund is 1873 as Söhn von Anna Catharine, borene Adelung (24. Dezember 1836–6. September 1885), un den Buur Albert Aumund (22. Januar 1822–6. Februar 1892) in Oosterholt boren. He hett Maschinenbo an de Technische Hoogschool in Hannover studeert un dat Studium as Diplom-Inschenör afslaten. Sien Loopbahn in’n Beroop hett anfungen in dat Kunstrukschoonsafdeel för Fördertechnik bi de Maschinenfabrik Julius Pohlig in Köln. 1908 is he ordentlichen Perfesser för Hebemaschinen un Förderanlagen an de Technische Hoogschool Danzig worrn. 1921 is em de Verwaltung von de Technischen Hoogscholen in Prüßen un dat Dörföhren von en Hoogschoolreform överdragen worrn. Von 1922 bet 1935 weer he ordentlichen Perfesser un Direkter von dat Institut för Fördertechnik an de Technische Hoogschool Berlin.

1922 hett Aumund de Aumund Fördertechnik GmbH grünnt un na dat Enn von sien Hoogschooldeenst dat Leid von dat Ünnernehmen övernahmen. 1951 hett he dat Leid afgeven an sien Söhn Günter-Claus Aumund.

Ehren[ännern | Bornkood ännern]

  • Dr.-Ing. e.h. von de Technische Hoogschool Danzig
  • Ehrensenater von de Technische Universität Berlin

Literatur[ännern | Bornkood ännern]

  • Catalogus Professorum. In: Beiträge und Dokumente zur Geschichte der Technischen Hochschule Danzig 1904-1945. Hannover 1979, S. 124