Harvey James Alter

Vun Wikipedia
Zur Navigation springen Zur Suche springen
Harvey James Alter 2006

Harvey James Alter (* 12. September 1935 in New York City[1]) is en US-amerikaansch Viroloog un Transfusionsmediziner.

Leven[ännern | Bornkood ännern]

Alter kreeg 1956 an de University of Rochester sien Bachelor un 1960 sien Doktertitel (M.D.)) as Afsluss vun sien Medizinstudium. Nah en Tätigkeit as Assistenzdokter an dat Strong Memorial Hospital in Rochester, New York, gung Alter 1961 as Forschungsassistent an de National Institutes of Health (NIH) in Bethesda, Maryland. Van 1964 bit 1966 hett he sien Utbillen to’n Transfusionsmediziner (Pathology-Subspecialty Blood Banking) an dat Georgetown University Hospital in Washington, D.C. maakt. In beid Institutschonen hett he tallriek Karrierestufen dörloopen un wark toletzt as Forschungsdirekter vun de Blootbank an dat Clinical Center vun dat NIH in Bethesda un as Perfesser för Binnere Medizin an de Georgetown University.

Wirken[ännern | Bornkood ännern]

Gemeensam mit den lateren Nobelpriesdräger Baruch Samuel Blumberg hett Alter 1964 dat Australia Antigen opdeckt, dat sück later as Bestanddeel vun den Hepatitis-B-Virus herutstellen dee.[2]

Alter hett en Bank mit Prooven vun Blootspennern upbaut, um de Prooven – je nah eventuellen lateren Erkrankungen vun de Empfänger – up infektschöse Agentien ünnersöken to können. Anhand vun sien Forschungsergevnisse kunnen Bloottransfusionen düütlich sekerer maakt wurrn. Eenmal wurrn Bloottests entwickelt, um Erreger in dat Spenderbloot heruttofinnen, to annern kunn dör Fraagbagens völ Risikodräger ünner de Spenner herutfunnen wurrn. Wiels Anfang vun de 1970er Johren noch meest jede dart Bloottransfusion to en Hepatitis A, Hepatitis B oder non-A-non-B-Hepatitis (hüüd meest as Hepatitis C fasttostellen) führen dee, kummt dat siet dat Johr 2000 to meest kien een transfusionsbedingten Neeerkrankung mehr.

Alter kunn eerstmals dat Humane Immundefizienz-Virus (HIV) up Schimpansen överdragen un so en Deertenmodell to dat Utforschen vun de Krankheit inrichten. He hörr sowohl to de Arbeitsgrupp, de dat „Hepatitis-G“-Virus faststellt hett, as ok to de Grupp, de wiesen kunn, dat dat Virus kien Hepatitis utlööst.

Nee Arbeiten vun Alter befaaten sück mit wiedere, dör Bloottransfusion överdraagbaren Erregern, as dat Humane Cytomegalievirus, Parvovirus B19 un West-Nil-Virus un mit mögelk Impstoffen gegen dat Hepatitis-C-Virus.

För dat Opdecken vun dat Hepatitis-C-Virus wurr Alter 2020 gemeensam mit Michael Houghton un Charles Moen Rice de Nobelpries för Physiologie oder Medizin tospraaken.[3]

Utteknungen (Utwahl)[ännern | Bornkood ännern]

Weblinks[ännern | Bornkood ännern]

Commons-logo.svg Harvey James Alter. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Prestigious Lasker Award for 2000 honors Alter, NIH Clinical Center News, Oktober 2000 (nih.gov); afropen an’n 5. Oktober 2020
  2. The NIH Almanach bi den National Institutes of Health (nih.gov); afropen an’n 5. Oktober 2020
  3. The Nobel Prize in Physiology or Medicine 2020. In: nobelprize.org, 5. Oktober 2020).
  4. List of Past AABB Award Recipients. In: aabb.org. Afropen an’n 5. Oktober 2020 (engelsch).
  5. Albert Lasker Clinical Medical Research Award 2000 Winners bi de Lasker Foundation (laskerfoundation.org); afropen an’n 5. Oktober 2020
  6. Harvey J. Alter bi de National Academy of Sciences (nasonline.org); abgerufen am 5. Oktober 2020
  7. Harvey J. Alter. In: gairdner.org. Afropen an’n 5. Oktober 2020 (engelsch).