Harm Weber

Vun Wikipedia

Harm Weber jun. (* 17. Mai 1928 in Warsingsfehn; † 22. Juli 2015) weer en düütsch Politiker (SPD). He weer Landdagsafordneter vun Neddersassen un Landraat in den Landkreis Leer.

Leven[ännern | Bornkood ännern]

Harm Weber weer in’ Tweeten Weltkrieg as Luftwappenhülp in Willemshaven insett. Nah sien Abitur an dat Ubbo-Emmius-Gymnasium in Leer hett he en koopmännisch Utbillen maakt un weer dornah ok lang Johren as Eenzelhannelskoopmann tätig. Van 1962 bit 1976 weer he Angestellter in verscheeden Versekerungs- un Bankünnernehmen. Buterdem weer he tietwies as ehrenamtlich Verwaltensrichter tätig. He weer verheiraadt und harr twee Kinner, dorünner den aktuellen (2015) Landraat vun den Landkreis Auerk, Harm-Uwe Weber. An’ 16. Mai 2008, een Dag vör sien 80. Gebortsdag, wurr he in en Festakt in dat Raathuus to’ Ehrenbörgermeester vun de Gemeend Moormerland nömmt.[1]

Politisch Loopbahn[ännern | Bornkood ännern]

Weber weer siet 1948 Liddmaat vun de SPD un siet 1956 Liddmaat in’ Raat vun de Gemeend Warsingsfehn. Van 1969 bit 1972 weer he Börgermeester vun de Gemeend Warsingsfehn,[2] en Amt, dat all sien Vader Harm Weber sen. inneharr. Nahdem Warsingsfehn 1973 in de nee grünnd Gemeend Moormerland upgahn weer, wurr he tonächst interimsmäßig deren Börgermeester.[3] In dat sülvig Johr wurr he to’n Börgermeester vun de Gemeend Moormerland wählt; dat Amt harr he bit 1991. In de achte un negente Wahlperiood hörr he van 1974 bit 1982 den Neddersasschen Landdag an.[4] Dornah weer he van 1981 bit 1986 Landraat vun den Landkreis Leer.[5]

Literatur[ännern | Bornkood ännern]

  • Simon, Barbara (Bearb.): Abgeordnete in Niedersachsen 1946–1994. Herausgegeben vom Präsidenten des Niedersächsischen Landtages, Hannover 1996, S. 396 f.

Enkeld Nahwiesen[ännern | Bornkood ännern]

  1. Niedersächsischer Städte- und Gemeindebund (Hrsg.): Die niedersächsische Gemeinde – Zeitschrift für Ratsmitglieder in den Städten, Gemeinden und Samtgemeinden, pdf-Datei, S. 15 (oorsprünglich S. 77), afropen an’ 1. Mai 2011
  2. www.europeana.eu: Harm Weber, afropen an’ 17. August 2015.
  3. Ortschronik Tergast: Gebietsreform 1973, afropen an’ 17. August 2015.
  4. fes.de: SPD-Abgeordnete im Landtag von Niedersachsen seit 1946, afropen an’ 17. August 2015.
  5. Matthias Groote: 65 Jahre Einsatz für die Sozialdemokratie – 65 Jahre aktiv in Gemeinde, Kreis und Land, afropen an’ 17. August 2015.