Harald Ringsdörp

Harald Ringsdörp 2007

Harald Ringsdörp (hoochdüütsch Naam Harald Ringstorff; * 25. September 1939 in Wittenborg; † 19. November 2020 in Swerin) weer en düütschen Politiker vun de SPD. He weer van 1998 bit Oktober 2008 Ministerpräsident vun Mekelnborg-Vörpommern. Sien Nahfolger wurr Erwin Sellering.

Leven un Berop

Anfungen is he as Diplomphysiker (1965) un hett vier Johr later sien Doktertitel in Rostock maakt. Dornah hett he bit 1987 as Chemiker bi’d Kombinat Schippbo in Rostock arbeit. Vun 1987 bit 1990 weer he bi dat Kombinat Lacke un Farben van de VEB Kali-Chemie Baas van de Butenstell Schippsfarben Küst.

Harald Ringsdörp weer verheiraat un harr een Kind.

Partei un politisch Loopbahn

1989 hörr Ringsdörp to de Gründungsliddmaten van de DDR-SPD. Van 1990 bit 2003 weer he Landsvörsitter van de SPD in Mekelnborg-Vörpommern. 1990 is he in de DDR-Volkskamer wählt wurrn, un, nahdem dat de nich mehr geev, keem he in de Landdag van Mekelnborg-Vörpommen. 1994 wurr he Minister för Weertschap un Fragen van de Europääsch Union un Stellvertreder vun Ministerpräsident Berndt Seite. Siet 1998 is he denn Ministerpäsident. In’n August 2008 hett he ankünnigt, dat he sien Amt to’n 3. Oktober 2008 upgeven will.

Weblenken

Harald Ringsdörp. Mehr Biller, Videos oder Audiodateien to’t Thema gifft dat bi Wikimedia Commons.