Happs

Happs (m, pl. Happen / Happsen) is een lütt beten to Eten. Wenn dat Eten in mundrechte Stücken sneen is, so dat'n dat ohn aftobieten achter de Tehn schuben kann, denn segg'n een Happs dorto. Abers ok wenn een blots wenig to eten kregen het, he villicht blots eenmol afbeten het, denn het he ok blots een Happs hat. Wenn een noch nix to eeten kregen het,segg'n ok: De het noch keen Happs hat.

Hüttodags gifft dat op'n "Empfang", wat eene Fieer is wo de Lüüd blots rümstaht, veelfach dat Eeten as "Fingerfood". Dat nömt'n so, wiel dat weder Meß noch Gavel gift, man all'ns fat'n direktemang mit de Fingers an un happst dat weg. So kann dat mit de Vörspies wesen, dat kann avers ok eene Wiel so wieder gahn.

Den Utdruck Happs find'tn aver ok sotoseggen in öberdragen Sinn. Wenn'n seggt: He het dor aber 'n fetten Happs vun afkregen, denn meent dat: Bi dat goote Geschäft weer he ok mit bi wen.