Hansekrieg

Vun Wikipedia
Wesseln na: Navigatschoon, Söök

De Hansekrieg weer en Krieg twischen Däänmark ünner König Waldemar IV. un dat wendsche Quarteer vun de Hanse ünner Leid vun Lübeck.

In’n August 1361 harr Waldemar Schonen un Gotland mit de Hansestadt Wisby innahmen, wat den Hannel vun de Hanse stören dee. Aver nich all weren gliek bedrapen. De Hansestäder an de Oostsee weren vun den Hieringshannel mit Schonen un de Dörfohrt dör’n Sund afhängig, de annern Städer weniger. De wendschen Hansestäder grepen in’n September alleen an, kunnen aver nich noog utrichten un müssen den 22. November 1365 den Freed vun Vordingborg ünnerschrieven. 1367 hebbt sik aver ok de annern Städer to de Kölner Konföderatschoon mit tohoopslaten un nu müss Däänmark an’n 24. Mai 1370 den Freed vun Stralsund ünnerschrieven un de Privilegien vun de Hanse wedder herstellen.