Hans von Nordheim

Vun Wikipedia
Zur Navigation springen Zur Suche springen

Hans Heinrich Theodor von Nordheim (* 27. Juni 1888 in Niemünster; † 9. Januar 1969 in Wormsthal) weer en düütschen Jurist.

Von Nordheim is 1888 in Niemünster boren. He hett Juristeree studeert. In’n Eersten Weltkrieg weer he Leutnant von de Reserve.[1] Na Studium un Krieg is he in’n bruunswiekschen Justizdeenst gahn un an’n 20. Dezember 1919 Gerichtsassesser worrn.[2] An’n 1. Juli 1922 is he Amtsgerichtsraad bi dat Amtsgericht Ottenstein worrn un an’n 1. April 1929 bi dat Amtsgericht Wulfenbüttel.[2]

Von Nordheim weer bi’n Stahlhelm aktiv un is 1933 verhaft un misshannelt worrn. He keem aver wedder free un weer wedder as Richter aktiv. An’n 1. Februar 1937 is he denn aver straafversett worrn un keem an dat Amtsgericht Berlin.[2] In’n Tweten Weltkrieg weer he Major von de Reserve.[1]

He weer na’n Krieg Präsident von dat Landgericht Bückeborg[1] un von 1949 bet 1956 Präsident von dat Landgericht Veern. 1956 is he in Rohstand gahn.

Von 1965 bet 1969 weer he Präsident von’n Düütschen Kinnerschutzbund.

He hett an’n 5. August 1920 in Trittau Dagmar Leonie Ottonie Freiin von Stoltzenberg (26. März 1894–14. Mai 1970) freet.[3] De beiden harrn de Kinner Hans-Odal Maximilian Achaz Heino Walter Giselher (21. Mai 1922–28. Juli 2004) un Jobst (1. September 1924–20. November 1997).[3]

Footnoten[ännern | Bornkood ännern]

  1. a b c Deutsches Geschlechterbuch. Genealogisches Handbuch Bürgerlicher Familien. 1966, Band 141, Sied 92
  2. a b c http://www.adelskartei.de/271.htm
  3. a b http://www.geni.com/people/Hans-von-Nordheim/6000000000339659464