Hans von Kemnitz
Hans Jakob Joachim von Kemnitz (* 16. Februar 1853 in Bernburg; † 4. November 1922 in Mieckow) weer en düütschen Verwaltungsbeamten.
Von Kemnitz is 1853 as Söhn von Maria, borene Bennecke (23. März 1822-31. August 1901), un den Kamerherr Gustav von Kemnitz (25. Juli 1807-31. August 1886) in Bernburg boren. He hett Juristeree an de Universität Bonn studeert. 1873 is he Liddmaat von dat Corps Borussia Bonn worrn.[1] Na dat Studium is he in’n prüüßschen Staatsdeenst gahn. Von 1893 bet 1907 weer he Landraad von’n Kreis Achem. Na de Tied as Landraad weer he Regerungsraad bi de Regerung in Potsdam. Dor is he 1911 Gehemen Regerungsraad worrn.[2] Toletzt hett he in Mieckow bi Teterow leevt. He weer nich verheiraadt. Von Kemnitz weer Ehrenridder von’n Johanniter-Orden.