Hans Isernhagen

Vun Wikipedia

Hans Isernhagen (* 27. Februar 1897 in Wasra; † 25. September 1960 in Wittörp) weer en düütschen Politiker von de DP.

Isernhagen is 1897 in Wasra boren. He weer in Wasra op de Middelschool un hett denn dree Johr en Lehr as Koopmann maakt. Na tweeunhalv Johr Wehrdeenst in’n Eersten Weltkrieg hett Isernhagen bet 1921 as koopmännschen Anstellten arbeidt. Denn füng he en Lehr in de Bueree an un harr von 1924 af an sien egen Buursteed.

Isernhagen weer söss Johr lang Börgermeester von Wittörp un is 1946 Afornten in’n Kreisdag von’n Landkreis Rodenborg worrn. Dor weer he bet 1949 ok Landraad. Isernhagen weer von’n 20. April 1947 bet 8. November 1950 (eerste Wahlperiood) Maat von’n Landdag von Neddersassen. He is denn utscheden un för em is Hermann Lücke narückt. In de drüdde Wahlperiood is he wedder in’n Landdag wählt worrn un weer von’n 6. Mai 1955 bet 29. August 1958 Afornten. Siet 9. Mai 1955 hett Isernhagen to de DP/CDU-Frakschoon höört. He is 1958 wedder utscheden un för em is Alfred Richter narückt.