Hans Biallas (Footballspeler)
Hans Biallas (* 14. Oktober 1918 in Hüttenheim; † 20. August 2009 in Duisburg) weer en düütsch Footballspeler.
Biallas speel för TuS Duisburg 48/99 in de Gauliga. Dor wurr Sepp Herberger up hüm upmarksom un hett den 19-johrigen Angestellten an’ 25. September 1938 to sien eerst Lännerspeel tegen Rumänien nah Bukarest inladen. He weer en banning flinken Störmer (11,7 Sekunn up 100m) un hett bi de 4:1-Sieg övertüügt. An’ 26. Februar 1939 drüff he noch Mol tegen Jugoslalwien ran un dor gelung hüm in de 71. Minüt dat Door to’n 3:2-Sieg. Sien letzt Lännerspeel hett he in Juni 1939 tegen Däänmark makt. Dat Speel hebbt de Düütschen mit 2:0 wunnen. Bit 1941 hett he aber noch en slag of wat DFB-Lehrgänge mitmaakt.
To Kriegstieden wurr he nah Danzig versett un speel dor för Preußen Danzig. Denn kreeg he aber en Lungendörschööt. In de Natschonalmannschap keem he dorüm nich mehr.
Nah dat Kriegsenn speel he weer för Duisburg 48/99 un hett ok an de eerste Regionalvergliek tüschen den Westen und den Süüden vun Düütschland in dat Fröhjohr 1946 in Stuttgart deelnommen. Sein Karriere het he bi den Kreisklassenvereen VfL Hüttenheim utklingen laaten..