Hans-Joachim Meyer (Schriever)

Vun Wikipedia
Zur Navigation springen Zur Suche springen

Hans-Joachim Meyer (* 22. Mai 1942 in Insterborg) is en plattdüütschen Schriever.

Meyer is 1942 in Insterborg boren. Nadem de Familie 1945 an’t Enn von’n Tweten Weltkrieg ut Oostprüßen flücht is, hett he in Obbens leevt. He keem 1948 in de School un hett von 1951 af an in Horborg leevt. Dor hett he 1961 an dat Friedrich-Ebert-Gymnasium dat Abitur maakt. He hett en poor Semester Chemie studeert, dat Studium aver afbraken un is 1965 Anstellten bi dat Statistische Landsamt Hamborg worrn. Later weer he dor Programmerer. In’n Juni 2007 is he in Rente gahn.

Meyer weer in de DKP un later bi De Linke. He is apen schwul un in siene plattdüütschen Böker is Homosexualität ok en groot Thema. Ok Geschichten op Noordfreesch hett he schreven.

Bi den Schrievweddstried Vertell doch mal hett he 1997 mit de Geschicht Söben Daag för een Penn den drüdden Platz maakt. Bi den noordfreeschen Schrievweddstried Ferteel iinjsen! hett he 2001 mit de Geschicht Bluat fuar tau Stünen den eersten Platz maakt.

Warken[ännern | Bornkood ännern]

  • Jan, mien Fründ. (översett ut dat Sweedsche, Peter Pohl: Janne, min vän) Jahn & Ernst, Hamborg [1998], ISBN 3-89407-201-6
  • Klöönsnack fief na twölf. Un anner lütte Happen, de nich jümmer smecken doot. Opdischt in de Stadt Horborg an de Elv. Sülvsverlag, Horborg 2000
  • De Liek vun’n Hastedtplatz. Een Geschicht twüschen Krimi un Seep-Oper tohoopfantaseert in de Stadt Horborg an de Elv. Sülvsverlag, Horborg 2001
  • Horborg kann mi geern hebben! Un anner plattdüütsche Vertellen. En bunten Struuß vun Blomen, Brennetteln un Dießeln, plückt in de Stadt Horborg an de Elv. Sülvsverlag, Horborg 2007
  • De Kommunistische Partei ehr Manifest. 2012
  • Lenni in’t Glück. De dulle Geschicht över veer Jungs vun ganz ünnen. Utklamüüstert in de Stadt Horborg an de Elv. Sülvsverlag, Horborg 2014

Weblenken[ännern | Bornkood ännern]