Hans-Heinrich Jarchow

Vun Wikipedia
Zur Navigation springen Zur Suche springen
Jarchows un Pastorin Poppe

Hans-Heinrich Jarchow (* 13. Juli 1955 in Plau an See; † 24. August 2020 in Rostock) weer een meckelborger Ingenieur un Politiker. Vun 2002 bet 2006 het hei in Landdag vun Meckelborg-Vörpommern seeten.

Läven[ännern | Bornkood ännern]

Jarchow weer de eenzig vun sin Schoolklass de nicht to de Jugendweihe hen gahn is, hei is konfermert wurn. 1979 is hei in Berlin Ingenieur för Landtechnik wurn. Achter ran weer hei de Böverst vun de Technik in de Landweertschoplich Produktionsgenossenschaft Gnevsdorf. As de beiden düütschen Staaten wedder tohoop kamen sünd, weer hei blangbi vun 1990 bit 1994 de eerst Börgermeester vun sin Dörp den de Inwahners na 1933 free wählt heft. Vun 1994 bit 2001 weer hei de Börgermeester vun Plau an See. För de SPD vun Meckelborg-Vörpommern het hei bi de Wahl to`n Lannsdag vun Meckelborg-Vörpommern 2002 för den Lanndagswahlkreis Parchim I een Sitt in Lanndag wunnen. Bi de Lanndagswahl in Mekelnborg-Vörpommern 2006 het hei em wedder verlaren. Vun 2009 bit 2017 het hei in Swerin bi de Akademie för Politik, Wirtschaft un Kultur in Mekelnborg-Vörpommern, maracht. Dort wer hei de Baas in Geschäftsbereich vun de demokratischen Initiative „WIR. Erfolg braucht Vielfalt“. Mit sin Fro Karin eene boren Blankenburger het Jarchow twee Deerns un en Enkeldochter.

Ehrenämter[ännern | Bornkood ännern]

Vun 1994 bit 2011 weer Jarchow Synodaler vun de Evangelsche-Luthersche Landeskark Mekelnborgs. Vun 1997 bit 2002 weer hei Liddmaat in de Karkenleid vun de Lannskark. Af 1994 is hei elk een Johr to besöök bi de Evanglsche-Luthersche Kark in de Republik Kasachstan, dat is Partnerkark vun de ehrdem Evangelsche-Luthersche Lannskark Mekelnborgs. Vun 1998 bit 2015 hett Jarchow ok plattdüütsche Morgenandachten in Verkündigungssendungen vun Nedderdüütschen Rundfunks hollen. 2008 het hei den Hölpvereen Kark Gnevsdorf grünnt, wo vun hei ok de Baas is. Hei speelt mi sin Frow in Posaunenchor vun Plau un singen deit hei in Singkreis Gnevsdörp. Teihn Johr is hei de Baas vun de Jagdhoornkoppel „Retzower Heide“. In de Gemeenvertreden vun Ganzlin is he ok.

Wat över em schreven is[ännern | Bornkood ännern]

  • Der Urmecklenburger [Hans-Heinrich Jarchow], in: Thomas Balzer, Siv Stippekohl, Siegfried Wittenburg: Atlas des Aufbruchs: Geschichten aus 25 Jahren Mecklenburg-Vorpommern (Buch und DVD). Ch. Links Verlag, Berlin 2015, ISBN 978-3-86153-847-9, S. 202–203.

Weblenken[ännern | Bornkood ännern]

Commons-logo.svg Billder mit Hans-Heinrich Jarchow. Mehr Biller, Videos oder Audiodateien to’t Thema gifft dat bi Wikimedia Commons.