Hanna Zetterberg

Vun Wikipedia
Hanna Zetterberg 2012

Hanna Rebecca Zetterberg Struwe (* 15. Februar 1973 in Skarpnäck) is en sweedsche Politikerin vun de Vänsterpartiet un fröheren Kinnerfilmstar.

Leven[ännern | Bornkood ännern]

Hanna Zetterberg hett in’t Öller vun ölven Johr de Hööft- un Titelrull in den Kinnerfilm Ronja Rövardotter (dt.: Ronja Räubertochter) speelt, en Verfilmen vun dat glieknöömte Book vun Astrid Lindgren. Dat is ok ehr eenzige Rull bleven.

Zetterberg hett sik mit de Politik befaat un is mit 21 Johren in den sweedschen Rieksdag wählt worrn, woneem se vun 1994 bit 1998 as Afordente för de Vänsterpartiet arbeidt hett. Vundaag arbeidt se in de Kommunikatschoonsberaden.

Na ehr Hochtiet 2001 mit den Feernsehmoderater un Journalist Filip Struwe harr se den Dubbelnaam Zetterberg Struwe annahmen. Se hebbt tosamen twee Kinner. De Eh is 2011 aver wedder scheedt worrn.[1]

Borns[ännern | Bornkood ännern]

  1. http://www.expressen.se/noje/extra/1.2362447/hanna-zetterberg-skiljer-sig-fran-maken (schwedisch)

Weblenken[ännern | Bornkood ännern]