Hanna Aydin

Vun Wikipedia
Zur Navigation springen Zur Suche springen

Mor Julius Hanna Aydin (* 2. April 1947 in Mizizah) is de Bischop vun de syyrsch-orthodoxe Kark vun Antiochien för dat Arzbisdom Düütschland mit Seet in dat Klooster St. Jakob vun Sarug in Warberig.

Aydin is 1947 as Söhn vun Cello Aydin un Sara borene Çelik in Mizizah in de Tur-Abdin-Bargen in de Törkie boren. Sien Vadder is al in dat eerste Johr na sien Geboort doodbleven, as he sien Wehrdeenst bi de törksche Armee möök. Groot worrn is he bi de Grootöllern. Na de Volksschool möök he en Lehr as Smidd un hett den Wehrdeenst in de törksche Armee maakt. 1969 bet 1972 weer he op dat Öösterrieksche Kolleg St. Georg in Istanbul. 1972 bet 1978 hett he Theologie in Beirut (bet 1974) un Schwaz studeert. 1978 bet 1980 weer he Sekretär bi Bischop Julius Yeshu Çiçek. 1980 bet 1982 möök he denn en Studium an de Kathoolsche Universität Eichstätt-Ingolstadt, an de he 1983 bet 1987 as wetenschoplichen Mitarbeider an’n Lehrstohl för Ole Karkengeschicht arbeiden dee. 1987 bet 1992 hett he Seelsorg maakt un weer vun 1992 bet 1996 wedder Bischopssekretär. 1997 is he Abt vun dat Klooster St. Jakob vun Sarug in Warberig worrn un weer Baas vun dat Preesterseminar. 2002 hett Aydin en Doktertitel vun dat Ökumeensch Forschungsinstitut St. Ephrem in Kottayam kregen. In’n Februar 2006 is he denn Patriarchalvikar för Düütschland worrn as Nafolger vun Dionysios Isa Gürbüz. An’n 18. Februar 2007 is he in de St.-Petrus-un-Paulus-Kark in Saydnaya to’n Bischop wieht worrn.

Warken[ännern | Bornkood ännern]

  • Das Mönchtum im Tur-Abdin. Das Leben der Mönche im Tur-Abdin in der Gegenwart. Bar-Hebraeus, Glaan 1988, ISBN 90-5047-006-8
  • Die syrisch-orthodoxe Kirche in Antiochien. Ein geschichtlicher Überblick. Bar Hebraeus, Glaan 1990, ISBN 90-5047-009-2