Han Kang
Han Kang (Vörlaag:KoS; * 27. November 1970 in Gwangju, Provinz Süd-Jeolla, Süüdkorea) is en süüdkoreaansch Schrieversche. In dat Johr 2024 kreeg se den Nobelpries för Literatur.
Leven un Warken
[ännern | Bornkood ännern]Han Kang is de Dochter vun den Schriever Han Seung-won (Han Sŭngwon) un wurr 1970 in Gwangju boren, is aber af hör elft Levensjohr in Seoul upwussen. Se hett an de Yonsei University in Seoul Koreaansch Literatur studeert un dor 1993 gradueert. Se hett tonächst Gedichte schreven, de in de Tietschrift „Literatur und Gesellschaft“ (Munhak-kwa sahoe) herutkeemen, bekannt wurr se kört dorup as Prosaschrieverin.[1]
1994 wunn Han mit de Körtgeschichte Rotes Segel (붉은 닻 Bulgeun Dat) den Literaturpries vun dat Blatt Seoul Shinmun. In de Johren nah 1994 hett se immer wieder literarische Werke herutbrocht, de hör latere Loopbahn stark präägt hemm. Mit hör eerst Körtgeschichtensammlung Liebe in Yŏsu 1995 hett se sück as upstrevend Schhrieverin in de südkoreaansch Literaturszene fastsett. Fief Johr later folg hör nächste Sammlung Die Früchte meiner Frau, in de se hör symbolhafte un poetische Vertellenswies wieder entwickeln dee. Disse fröh Warken wiesen all de Themen vun Transformatschoon un Identität, de ok in hör latere internatschonal bekannt Warken as Die Vegetarierin en zentraal Rull spelen.
1999 wunn Han en Pries för den besten koreaanschen Roman, 2000 den „Pries för junge Künstler vun hüüd“ vun dat Ministerium för Kultur un Tourismus un sluutend 2005 den Yi-Sang-Literaturpries.[2]
Buterdem arbeit Han as Journalistin för de Tietschriften „Wasser der tiefen Quelle“, „Journal der Publikationen“ un „Quelle“.[3] Hör Roman Die Vegetarierin wurr 2010 verfilmt un de Körtroman Baby Buddha deen as Grundlaag för den Film Scar. Van 2007 bit 2018 lehr Han Kreatives Schrieven an dat Seoul Institute of the Arts, sietdem is se free Schrieverin.[4]
Utteknungen
[ännern | Bornkood ännern]- 1995: Hankook Ilbo Pries för hervörragende Romanschriftsteller
- 1999: Koreaansch Roman-Pries
- 2000: Pries för junge Künstler vun hüüd vun dat Ministerium för Kultur un Tourismus
- 2005: Yi-Sang-Literaturpries
- 2010: Tongni-Literaturpries
- 2016: Man Booker International Prize för The Vegetarian
- 2017: Premio Malaparte
- 2023: Prix Médicis étranger för Impossibles adieux (tosommen mit Misericordia von Lídia Jorge)
- 2024: Ho-Am-Pries[5]
- 2024: Nobelpries för Literatur
Weblinks
[ännern | Bornkood ännern]
- Offizieller Webupträe (koreaansch, engelsch)
- DNB-Katalog
Enkeld Nahwiesen
[ännern | Bornkood ännern]- ↑ Han Kang hands over book to Norway's 'Future Library' project. In: The Korea Times. 27. Mai 2019, afropen an’n 2. September 2022 (engelsch).
- ↑ Dong-a Ilbo: Human as Plants afropen an’n 6. August 2013 (engelsch).
- ↑ Han Kang(한강). In: library.ltikorea.or.kr, Digital Library of Korean Literature, Writers & Media, afropen an’n 10. Oktober 2024 (mehrsprakig).
- ↑ Han Kang. In: rcwlitagency.com, RCW Literary Agency, afropen an’n 10. Oktober 2024 (engelsch) -
Han Kang. In: literaturfestival.com, internationales literaturfestival berlin, afropen an’n 10. Oktober 2024 -
kiek ok: Biogramm Han Kang, Ho-Am Prize, 2024 Laureates, The Arts, afropen an’n 10. Oktober 2024 (engelsch) - ↑ 2024 Laureates - HOAM. Afropen an’n 10. Oktober 2024.