Hammada

Vun Wikipedia
Zur Navigation springen Zur Suche springen
Hammada up de Kapverd'sche Insel Boa Vista
Hammada-Wösten bi de Hoggar-Barge in Algerien

Hammada oder Hamadah is de Naam for Wösten ut Fels un Steen, sunnerlich in de Sahara. Dat gifft veel mehr Fels- un Steenwösten, as Sandwösten. De Sahara besteiht to 70 % ut Hammada.

In de Hammadas finnt sik keen Sand (Erg) oder Grand (Serir), man de is vull mit kantige Steensplitters, de wohrschienlich tostanne kamen sünd in de Pluvialtied. Bi düsse Wöstenaart is de Grund vull mit kantige Schutt- un Felsblöcke. De hefft sik hier ansammelt, as Felsen mit de Tied verwittert weern un dat fiene Material vun'n Wind wegweiht wurrn weer. Fohrtüge un Dromedare könnt man suur oder gor nich dör en Hammada dörkamen. De Unnergrund vun de Hammada unner de Steensplitters is Fels. Vundeswegen kann Water sunnerlich fix affleten. Dor is dat ok besunners gefährlich um, dör Wadis dör to trecken, de dör en Hammada dörlopen doot. In en Hammada warrt nich veel Water spiekert un wassen kann dor nich veel.

De gröttste Hammada is de Hammada du Draa in de Westsahara; ok de Hammada al-Hamra in Süüdlibyen un en Deel vun de Syrsche Wösten ööstlich vun de Hauran-Region sünd Hammadas.

Literatur[ännern | Bornkood ännern]

  • Hans Murawski, Wilhelm Meyer: Geologisches Wörterbuch. 10. Uplage, ovrhen gahn un wat wieter maakt, 278, Enke Verlag, Stuttgart 1998, ISBN 3-432-84100-0.
  • Charles F. Gritzner: Deserts. Chelsea House Pub, New York 2006, S. 36, ISBN 978-0791092347

Weblenken[ännern | Bornkood ännern]

Commons-logo.svg Hamada. Mehr Biller, Videos oder Audiodateien to’t Thema gifft dat bi Wikimedia Commons.