Hööch över Seepegel

Vun Wikipedia
Wesseln na: Navigatschoon, Söök

De Hööch vun de Eerdböverflach warrt begängig över en’n mittleren Seespegel (Merenspegel) angeben. Je no Land oder Anwennen warrt en ünnerscheedliche Hööch (wat utrekent warrt) un ünnerscheedliche Pegel (wat meten warrt) brukt. För en heelet Land warrt foken de mittlere Merenspegel (Pegel) an de nohste Waterkant as Null brukt. Von dor ut warrt över dat heele Land de verdeelten amtliche Hööchdfastpunkten mit en’n Nivellement verbunnen.

Amtlich Hööchdsysteme vun en poor Länner[ännern | Bornkood ännern]

Land Naam Hööchdefinitschon Pegel Dotumspunkt
Belgien orthometrisch Hööch Ostende Ostende
Düutschland (DHHN92) Meter über Normalhöhennull (m ü.NHN) Normalhööch Amsterdam Wallenhorst
Düütschland (DHHN12) Meter über Normalnull (m ü. NN) normal-orthometrisch Hööch Amsterdam Berlin/Hoppegarten
DDR (SNN76) Meter über Höhennormal (m ü. HN) Normalhööch Kronstadt Berlin/Hoppegarten
Finnland orthometrisch Hööch Helsinki Helsinki
Frankreich (NGF-IGN69) mètres d'altitude (m) Normalhööch Marseille Marseille
Grootbritanien orthometrisch Hööch Newlyn Newlyn
Irland orthometrisch Hööch Maln Head Maln Head
Italien metri sul livello del mare (m s.l.m.) orthometrisch Hööch Genua Genua
Kroatien Nadmorska visina (m/nv) normal-orthometrisch Hööch Triest 1900
Liechtensteen (LN02) Meter über Meer (m.ü.M.) nivellierte Hööch Marseille Genf
Luxemborg orthometrisch Hööch Amsterdam Amsterdam
Nedderlann orthometrisch Hööch Amsterdam Amsterdam
Norwegen meter over havet (moh.) normal-orthometrisch Hööch Tredge Tredge
Polen metry nad poziomem morza (m n.p.m.) Normalhööch Kronstadt
Portugal orthometrisch Hööch Cascais Cascais
Österreich Meter über Adria (m ü. Adria) normal-orthometrisch Hööch Triest 1875 Hutbiegl
Swiez (LN02) Meter über Meer (m.ü.M.) nivellierte Hööch Marseille Genf
Slowakei metrov nad morom (m n.m.) Normalhööch Kronstadt
Slowenien normal-orthometrisch Hööch Triest 1900 Ruse
Sweden Meter över havet (m ö.h.) Normalhööch Amsterdam
Spanien metros sobre el nivel del mar (msnm) orthometrisch Hööch Alicante Alicante
Törkie normal-orthometrisch Hööch Antalya Antalya
Tschechien metrů nad mořem (m n.m.)' Normalhööch Kronstadt
Ungorn Tengerszint feletti magasság Normalhööch Kronstadt Nadap

Seefohrt / Luftfohrt[ännern | Bornkood ännern]

In de Seefohrt brukt man dat Seekortennull. In de Luftfohrt warrt Mean Sea Level (MSL) to’n Biespeel för de Angoov Flooghööchd brukt.

De Ünnerscheden twüschen de Systeme sünn mehrst en poor Zentimeter bit enige Dezimeter, künnt obers ok bit to een Meter warrn. En Ümreken twüschen de Systeme mit ene sülbe Tall is nich akroot (>1 dm), weil de Weert to’n Biespeel ok vun de Hööchd sülvst afhingt. Dat markt man den besünners in de Bargen.

Hööchangoven in Koorten[ännern | Bornkood ännern]

De Hööch vun dat Land warrt in topographsche Koorten mit Hööchpunkte, Hööchlienen oder bunte Hööchschichten wiest. Bi Hööchangoven för Oorte warrt foken en'n wichtigen Punkt in de Mitt utsöcht. Dat is mehrste Tied de Markplatz, en Punkt an’n Raathuus, an’n Bahnhoff oder an de Kark. För Seen un Fleten is de Hööch vun den mittleren Waterpegel utwiest. Hööchpunkte gifft dat foken an besünnere Punkte, de man licht wedderfinnen kann, t. B. Straatenkrüüze, Tippenkrüüze, oder faste trigonometrische Punkte. Man mutt weten, dat de hööchsten und de sietsten Oorte vun dat Land nicht jümmers wiest warrt, t.B. wenn dat Tippenkrüüz eben nich an de hööchste Steed vun den Barg steiht. Dat System för der Hööchden up en Koort warrt foken an’n Rand vun de Koort opschreeven.