Gustav Schäfer (SPD)

Vun Wikipedia
Zur Navigation springen Zur Suche springen

Gustav Schäfer (* 19. Mai 1892 in Gerterode; † 7. März 1965 in Veern) weer en düütschen Politiker von de SPD.

Schäfer is 1892 in Gerterode boren. Na de School hett he en Lehr maakt. He hett denn in ganz verscheden Regionen von Düüschland arbeidt un is 1910 in de Gewerkschaft gahn. In’n Eersten Weltkrieg weer he von 1914 bet 1918 Soldaat. He is 1918 in de SPD rin un weer denn in de Kommunalpolitik. 1929 is he Börgermeester von Gerterode worrn. In de Tied von’n Natschonalsozialismus hett he 1933 ut polietsche Grünn sien Amt verloren un keem in Haft in dat Fängnis Worbis. Nadem he wedder free weer, is he Koopmann worrn. He hett veer Johr in’t Versekerungsgewarv arbeidt un is denn Böverinspekter un 1943 Bezirksleiter in Veern worrn. Na’n Tweten Weltkrieg is he 1948 Raadsherr in’n Stadtraad un von 1948 bet 1951 un 1952 bet 1956 Börgermeester von Veern worrn.

Von’n 6. Mai 1951 bet to sien Dood an’n 7. März 1965 (twete bet föffte Wahlperiood) weer he för den Wahlkreis Veern Maat von’n Landdag von Neddersassen., Von’n 23. März 1960 bet 5. Mai 1963 weer he dor Vörsitter von’n Utschuss för Gesundheitswesen. Na sien Dood is Willi Fricke as Afornten narückt.

Schäfer hett dat Verdeenstkrüüz Eerste Klass von’n Verdeenstorden von de Bundsrepublik Düütschland kregen.