Guido Reybrouck
Guido Reybrouck (* 25. Dezember 1941 in Brügge) is en ehmalger belgisch Radrennfohrer.
Guido Reybrouck weer Profi van 1964 bit 1973. Sien eerst Profirennen weer de Meesterschap van Zürich, dat he ok glieks vör den Italiener [[Gastone Nencini] wunnen hett. In dat glieker Johr wunn he bi Paris–Tours, wat he 1966 un 1968 nochmal schafft hett. 1965 wurr Reybrouck Eerster bi Kuurne–Brüssel–Kuurne un bi de Tour de France wurr he tweet in de Punktewertung. 1966 wurr Reybrouck denn belgisch Straatenmeester. 1969 belegg he den eersten Platz bi dat Amstel Gold Race. All tosommen hett he 75 Siege in sien Loopbahn schafft.
Nah dat Enn van sien aktiv Loopbahn hett Guido Reybrouck en Autowaschanlaag in Knokke apen maakt un wurr Sportlich Baas van de Mannschap „Ebo-Cinzia“. Gemeensam mit sien Bröer Wilfried hett he en Fohrrad-Groothandel mit Naam „Fangio“ (Naam van sien Söhn) apen maakt un hett ok en Radsportteam mit glieker Naam betallt, dat van 1979 bit 1987 bestunn.
Familie
[ännern | Bornkood ännern]Guido Reybrouck stammt ut en Familie van Radrennfohrer: He is Neffe van Gustave Danneels, de ok dreemal Paris-Tours wunnen hett. Ok sien Bröer Wilfried weer as Rennfohrer spoodriek. Sien Söhn Fangio hett gemeensam mit Johan Museeuw de Firma „Museeuw Bikes“ grünnd.
Literatur
[ännern | Bornkood ännern]- Herman Laitem, Jozef Hamels: De Tricolore Trui. 1882–2007. 125 Jaar Belgische Kampioenschappen. Pinguin Productions u. a., Balegem u. a. 2008, ISBN 978-90-73322-21-9, S. 154.