Gualberto do Rosário

António Gualberto do Rosário (* 12. Oktober 1950) is en kapverdischen Politiker. He weer vun 2000 bit 2001 Premierminister vun Kap Verde.

Leven

Do Rosário is in Portugal utbillt worrn. He weer Landweertschopsminister vun Kap Verde un togliek de Viez vun den Premierminister Carlos Veiga. An’n 5. Oktober 2000 is he to’n Premierminister opstegen, nadem Carlos Veiga an’n 29. Juli 2000 Bott geven harr, vun wegen dat he sik üm dat Amt vun den Präsidenten bewarven wull. As sien Vörgänger höör do Rosário to de Partei Movimento para a Democracia (MpD), de dat Land siet Inföhren vun de Demokratie 1991 regeert hett.

Bi de Parlamentswahlen an’n 14. Januar 2001 hett denn aver de fröhere Eenheitspartei Partido Africano para a Independência de Cabo Verde (PAICV) wedder de Mehrheit kregen und jemehr Vörsitter José Maria Neves is an’n 1. Februar 2001 ne’e Premierminister worrn. Do Rosário is in’n August 2001 as Baas vun de MpD torüch peddt.