Grote-Seen-Waterstraat
De Grote-Seen-Waterstraat is en Waterstraat, de de Groten Seen in Noordamerika mitenanner un över den Sankt-Lorenz-Stroom (Sankt-Lorenz-Seeweg) un dormit ok mit’n Atlantik verbinnen deit. Över disse Waterstraat köönt ok grote Ozeaanscheep na all de Groten Seen henrecken.
To de Waterstraat höört de Welland-Kanaal, de üm den Waterfäll von Niagara twüschen Ontario-See un Erie-See rümgeiht, de Soo-Slüüs, de üm de Stroomsnellen in’n St. Marys River twüschen Lake Superior un Huron-See rümgeiht.
Dat gifft en Iesbreker von de US-Küstenwacht, de de Waterstraat iesfree hollen schall, aver normalerwies höört de Schipperee op de Seen elk Winter för so twee bet dree Maand op.
De Grote-Seen-Waterstraat is beter utboot as de Sankt-Lorenz-Seeweg, mit gröttere Slüsen un mehr Deepgang. Dorüm gifft dat en Reeg von Seen-Frachter, de op de Seen föhrt, aver nich över de Sankt-Lorenz-Seeweg op de apen See rutköönt.
De Grote-Seen-Waterstraat warrt von de USA un Kanada tohhop verwaltet.