Goliga Oosthannover

De Goliga Oosthannover weer een von de höögsten Speelklassen in’n düütschen Football in de Tied von’n Natschonalsozialismus.

De Liga is 1943 grünnt worrn. Dat weer een von de Nafolgers von de Goliga Neddersassen, de 1942 opdeelt worrn is in de Goligen Süüdhannover-Bruunswiek un Werser-Eems. 1943 is tosätzlich de Goliga Oosthannover inricht worrn. Ut de Goliga Süüdhannover-Bruunswiek is denn de Viezmeester, de Wehrmacht-Sportvereen Celle, röverwesselt. De MSV Lümborg harr vörher ok al in de Goliga Neddersassen speelt. De annern söss Vereens kemen ut de twete Liga.

De Goliga Oosthannover hett blots 1943/1944 en kumplette Saison speelt, in de de Wehrmacht-Sportvereen Celle Gomeester worrn is. De WSV Celle hett denn in de eerste Runn von de Düütsche Footballmeesterschop 1943/1944 gegen den Luftwapen-Sportvereen Hamborg 4:0 verloren. In de twete Saison is de Liga dör den Tweten Weltkrieg, in den de Front bilütten op dat Düütsche Riek vörrücken dee, in’n Oktober 1944 afbraken worrn.

Tabell Saison 1943/1944

Platz	Vereen	Spelen	Wunnen	Unentscheden	Verloren	Doorverhältnis	Punkte
1.	WSV Celle	14	11	1	2	82:32	23:5
2.	Cuxhobener SV	14	10	2	2	90:18	22:6
3.	KSG TuS 93/Leher TS	14	8	2	4	53:39	18:10
4.	SC Sparta 01 Bremerhoben	14	7	2	5	57:32	16:12
5.	MSV Lümborg	14	5	3	6	36:53	13:15
6.	BSG VW Wulfsborg	14	5	1	8	39:55	11:17
7.	Geestmünner SC 1904	14	2	2	10	30:74	6:22
8.	WSG Veern	14	1	1	12	18:102	3:25

Football-Goligen in dat Düütsche Riek (1933–1945)