Giuseppe Casari

Vun Wikipedia

Giuseppe Casari (* 10. April 1922 in Martinengo; † 12. November 2013 in Seriate) weer en italieensch Footballspeler.

Loopbahn[ännern | Bornkood ännern]

Vereen[ännern | Bornkood ännern]

Giuseppe Casari fung mit dat Footballspelen bi den gliek in de Nahberschap beheimateten Vereen Atalanta Bergamo an, wo he tonächst de Jöögdafdeelen dörleep un 1944 dat eerste Mal in de Profimannschap vun Atalanta beropen wurr. To’n dormaligen Tietpunkt befunn sück de Football in Italien in en kriegsbedingt Paus un dat funn kien offiziell Meesterschap statt. Eerst nah dat Enn’ vun den Tweeten Weltkrieg wurrn de regulären Meesterschapen in Italien weer upnommen un Atalanta Bergamo speel sogliek in de eerstklassig Serie A, wo man ok in de folgen Johren to finnen weer. Giuseppe Casari weer in de Johren Stammdoorhöder vun Atalanta Bergamo un hett för dissen Vereen 170 Ligaspelen maakt. He bleev bit 1950 in Bergamo, ehe he sück de süditalieensch Mannschap vun AC Neapel anssluuten dee.

Bi Napoli weer Giuseppe Casari dree Johr lang van 1950 bit 1953 Stammdoorhöder un keem dorbi up 107 Ligainsatzen.

Dornah wessel Casari weer den Vereen un speel denn för den Tweetligisten AC Padova. Nah twee Johren is he 1955 aber mit dissen Vereen in de Serie A upsteegen. As Upstieger kunn sück de Mannschap ut Padua vun den lateren Startrainer Nereo Rocco mit Platz acht souverän in de italieensch Eliteliga hollen, allerdings bedeen sück de Vereen as ok woll Giuseppe Casari in de Saison woll ok nich ganz erloovt Middel. Casari weer bedeeligt in twee lüttgere Manipulatschonsschandaals in dat Umfeld vun de AC Padova wurr dorför aber nich belangt. An’ Enn’ vun de Saison 1955/56 hett Casari sien Loopbahn mit 34 Johr afslooten, nahdem he in Padua in sien letzt Saison noch mal 34 Spelen maakt harr, aber sien Stammplatz mit de Tiet ok inbüßt harr.

Natschonalmannschap[ännern | Bornkood ännern]

Tüschen 1948 un 1951 hett Giuseppe Casari söss Mal in de italieensch Natschonalmannschap speelt. Vun Natschonaltrainer Ferruccio Novo wurr he in dat Upgebot vun de Italiener för de Football-Weltmeesterschap 1550 beropen, wurr aber nich insett. He weer blots dart Doorhöder achter Lucidio Sentimenti vun Lazio Rom un Giuseppe Moro vun den AC Turin. De Italiener sünd aber ok all nah de Vörrunn ut dat Turnier in Brasilien utscheeden.

Twee Johr vörher weer he aber Stammdoorhöder bi de Olympisch Spelen in London, aber hier weer in dat Veertelfinale ok all Sluss as de Mannschap gegen de Utwahl vun Däänmark mit 3:5 verlor.

Weblenken[ännern | Bornkood ännern]