Gianluigi Donnarumma

Vun Wikipedia
Zur Navigation springen Zur Suche springen
Gianluigi Donnarumma (2016)

Gianluigi Donnarumma (* 25. Februar 1999 in Castellammare di Stabia) is en italieensch Footballdoorhöder.

Karriere[ännern | Bornkood ännern]

Vereen[ännern | Bornkood ännern]

Donnarumma is bi den AC Mailand to de Saison 2015/16 in de eerste Mannschap uprückt, nahdem he all siet 2013 bi den Vereen in de Jöögd speelt harr. An' 25. Oktober 2015 keem de 1,96 m groot Doorhöder in dat Öller vun 16 Johren un acht Maand bi den 2:1-Heimsieg gegen US Sassuolo Calcio ünner Trainer Siniša Mihajlović to sien Ligadebüt. Dormit is he de jüngste Doorhöder mit en Startelfinsatz in de Historie vun de Serie A.[1][2] In sien eerst Speeltiet keem Donnarumma up 30 Insätze, in de he 29 Gegendooren kasseeren dee. Anfang Oktober 2016 wurr Donnarumma vun de britischen Daagblatt The Guardian as best Talent vun den Johrgang 1999 uttekent.[3]

Natschonalmannschap[ännern | Bornkood ännern]

Donnarumma speel veermal för de U-15 Natschonalmannschap un speel för de U-17 Natschonalmannschap bi de U-17 Europameesterschap, keem dor in all fiev Spelen to'n Insatz un reck so dat Veertelfinale.

Anfang November 2015 wurr Donnarumma vun Trainer Luigi Di Biagio eerstmals för de U-21 Natschonalmannschap nomineert[4] un geev sien Debüt an' 24. März 2016 bi den 4:1-Sieg gegen de U-21 Mannschap vun Irland.

An' 1. September 2016 speel Donnarumma bi de 1:3-Nedderlaag in dat Früendschapsspeel gegen de Natschonalmannschap vun Frankriek eerstmals för de A-Natschonalmannschap vun Italien, nahdem he in de tweet Halftiet för Gianluigi Buffon inwesselt wurrn weer. Dormit is he mit 17 Johren de bither jüngste Doorhöder, de in en A-Lännerspeel für Italien to'n Insatz keem un de jüngste Speler siet 105 Johren.[5] Sien tweet Lännerspeel vun dat Johr hett he an' 15. November 2016 in en Früendschapsspeel tegen de Natschonalmannschap vun Düütschland maakt, as he weer in de tweet Halftiet för Buffon inwesselt wurrn is. Intüschen hett he veer A-Lännerspelen maakt (Stand August 2017).

Privates[ännern | Bornkood ännern]

Donnarumma sien Vörbild is Gianluigi Buffon.[6] Gianluigi Donnarummas öllere Bröer Antonio (* 1990) is ebenfalls Doorhöder un speelt aktuell (2016) för Asteras Tripolis.

Weblenken[ännern | Bornkood ännern]

Commons-logo.svg Gianluigi Donnarumma. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. AC Milan: Rekorddebüt mit 16 Jahren bi weltfussball.de
  2. Der Teenager vom AC Mailand bi sportschau.de
  3. Next Generation 2016: 60 of the best young talents in world football up theguardian.com van' 5. Oktober 2016, afropen an' 5. Oktober 2016 (engelsch)
  4. Der andere Gigi verzaubert Italien up sport1.de van' 4. November 2015, afropen an' 5. November 2015
  5. Donnarumma stellt Rekord auf up sport1.de van' 1. September 2016, afropen an' 1. September 2016
  6. Der Auserwählte bi spox.com