Gerrit Hoss
Gerrit Hoss (* 21. Mai 1980 in Itzho) is en düütschen Musiker, Schriever un Moderator (hooch- un plattdüütsch). He leevt in Münsterdörp un Hamborg.
Leven
[ännern | Bornkood ännern]Hoss is 1980 in Itzho boren. 2004 güng he na München un hett dor an de A-Team Music Academy en Studium as Gitarrspeler maakt. Stücker wat Johren hett he dor ok bi de Band Nordlicht Gitarr speelt un hett an de Debüt-CD „Pöbel & Diebe“ mitdaan. De Leder sünd to’n Deel bi Reamonn-Maat Uwe Bossert in München opnahmen un produzeert worrn. Mit düt Wark is de Band bi de Delta Radio Indicator Charts op Platz 1 kamen.
Blangen dat Studium in München harr he ok eerste Optreed as Stratenmusiker in München, Hamborg un Berlin. 2008 is he na Hamborg trügg un hett anfungen, an dat eerste Solo-Album „Beim nächsten Mal“ to schrieven, dat 2010 rutkeem. To de sülve Tied hett he en Gesangsutbillung bi Karin Ploog in Hamborg maakt un den „Kontaktstudiengang Popularmusik“ an de Hoochschool för Musik un Theater in Hamborg absolveert. De twete CD, „Notstrom“, keem 2012 rut.
Wieldes füng Hoss ok bi’n NDR an un is dor nu as Schriever bi de Sennreeg „Hör mal’n beten to“ oder as Moderator (Havenkunzert bi NDR 90,3) to hören.[1] Sien drüdd Album („PLATT!“) hett he 2015 op Platt opnahmen.[2][3] Welk von de Leder kemen al in’t Radio, bevör dat Album rutkeem. Sietdem is Hoss fakener in’t Feernsehn oder in’t Radio to sehn un hören.[4] Ok op sien 2026 Album „Mit der Flut“ hett he plattdüütsche Leder dorbi. He is tosätzlich bi plattdüütsche Poetry Slams ünnerwegens un Jury-Maat bi „Schoolkinner leest Platt“. Blangento schrifft Hoss för de Tiedschriften „guitar“ un „Soundcheck“ un bedrifft en egen Studio in’n Noorden von Hamborg.
In de Corona-Tied hett he dorto bi de goot bekannte, plattdüütsche Band Godewind anfangen un 2024 de CD „Wind vun Achtern“ rutbröcht.[5]
2016 hett Hoss den Fritz-Reuter-Musikpries von de Stadt Stemhagen kregen un in dat sülve Johr ok den Bad-Bemsen-Pries.
Diskografie (Alben)
[ännern | Bornkood ännern]- 2007 Pöbel & Diebe Erstauflage (mit Nordlicht)
- 2010 Beim nächsten Mal
- 2012 Notstrom
- 2015 PLATT!
- 2026 Mit der Flut
Weblenken
[ännern | Bornkood ännern]
- Websteed von Gerrit Hoss (hoochdüütsch)
Footnoten
[ännern | Bornkood ännern]- ↑ Gerrit Hoss. In: NDR 1 Welle Nord. Archiveert von dat Original am 11. März 2016; afropen an’n 12. April 2026.
- ↑ „Platt!“ – Morgen kommt neue CD von Gerrit Hoss auf den Markt. In: Norddeutsche Rundschau. shz, 13. März 2015, afropen an’n 8. August 2019.
- ↑ Platt, modern un nich oldbacksch. In: Kieler Nachrichten. 4. Mai 2015, archiveert von dat Original am 19. Januar 2016; afropen an’n 12. April 2026 (plattdüütsch).
- ↑ Yared Dibaba: Platt Schnack Mucke mit Yared Dibaba und Gerrit Hoss. In: Platt Schnack Mucke. NDR Schlager, 26. Mai 2024, archiveert von dat Original am 22. November 2025; afropen an’n 12. April 2026 (plattdüütsch).
- ↑ Lornz Lorenzen: Wind vun achtern! Musiker vun Godewind op nie'en Kurs. In: Moin! Schleswig-Holstein. NDR 1 Welle Nord, 12. August 2024, afropen an’n 12. April 2026 (plattdüütsch).