Gerco Schröder
Gerco Bernardus Schröder (* 28. Juli 1978 in Tubbergen) is en nedderlannsch Springrieder.
Bi de Olympisch Sömmerspelen 2004 keem he mit dat Team, to dat ok noch Wim Schröder, Leopold van Asten un Gert-Jan Bruggink hörrn deen, up Platz veer. Gemeensam mit Jeroen Dubbeldam, Piet Raijmakers un Albert Zoer wunn he 2006 bi de Weltriederspelen in Aken Teamgold.[1] 2010 wurr he nedderlannsch Meester in’t Springrieden. Mit dat Peerd Eurocommerce Berlin keem Gerco Schröder in’ Natschonenpries in Aken up Platz twee.
In’ Februar 2012 befunn he sück up de Springrieder-Weltranglist vun de FEI up Platz 26.[2]
Sien öllere Bröers Ben Schröder un Wim Schröder sünd ok Springrieders.
Bi de Olympisch Spelen 2012 in London wunn he mit dat Peerd London in’t Eenzel- as ok in dat Mannschapsspringen de Sülvermedaille.
