Gerald Maurice Edelman

Vun Wikipedia
Wesseln na: Navigatschoon, Söök
Gerald M. Edelman (2010)

Gerald Maurice Edelman (* 1. Juli 1929 in New York City; † 17. Mai 2014 in La Jolla, Kalifornien[1]) weer en US-amerikaansch Mediziner un Molekularbioloog (Immunologie, Neurowetenschap).

1972 kreeg he gemeensam mit Rodney Robert Porter den Nobelpries för Physiologie oder Medizin för sien Opdecken in den Beriek vun de cheemsch Struktur vun Antikörpern.

Loopbahn[ännern | Bornkood ännern]

Edelman hett an dat Ursinus College (Bachelor 1950) un de University of Pennsylvania (M.D. 1954) studeert, weer 1954/55 an dat Massachusetts General Hospital (House Officer), van 1955 bit 1957 Captain in dat US Army Medical Corps un wurr 1960 an dat Rockefeller Institute (wo he af 957 Schöler vun Henry George Kunkel weer) in Biochemie promoveert. Dornah bleev he an de Rockefeller University, wo he 1963 bit 1966 Associate Dean of Graduate Studies weer un 1966 Perfesser wurr (af 1978 Vincent Astor Professor). 1991 wurr he Vörstand vun de Afdeelen Neurobiologie an dat Scripps Research Institute. He is Grünner (1981) un weer Direkter vun dat Neurosciences Institute in La Jolla.

Neben sien Forschungen to de Immunologie hett Edelman, de sück af etwa 1972 den Neurowetenschapen towennen dee, Theorien to dat minschlich Bewusstween un de so nömmt Neural Group Selection Theory, de Entwicklungsprozesse in’ Gehirn beschrifft, schafft.

In mehreren Böker entwickel he Vörstellungen vun Geist un Bewusstween, nah de beid as hoochkomplexe Prozesse binnerhalv vun dat Gehirn uptofaaten sünd un sück as vullständig materiell un rein biologisch Phänomene verstahn laaten. De Entwicklung vun Geist un Bewusstween sünd in sien Theorie binnerhalv vun de Vörstellungen vun Charles Darwin vun natüürliche Selektschoon un Entwicklung vun Populatschonen vörtostellen un to beschrieven. Dualistisch Vörstellungen un Hypothesen, nah den Funktschonen vun dat Gehirn den Operatschonen vun en Computer ähnlich sünd, hett he aflehnt.

Ehrungen[ännern | Bornkood ännern]

He weer mehrfack Ehrendokter (ünner annern Siena, Paris, Neapel, University of Pennsylvania, Georgetown University) un Liddmaat vun de National Academy of Sciences. 1972 wurr he mit den Nobelpries för Physiologie oder Medizin uttekent. 1988 kreeg he den C. und O. Vogt Preis vun de Universität Düsseldörp un 1965 den Eli Lilly Award.

Warkverteken[ännern | Bornkood ännern]

  • Neural Darwinism: The Theory of Neuronal Group Selection. Basic Books 1987
  • Topobiology: An Introduction to Molecular Embryology. Basic Books 1993
  • Unser Gehirn, ein dynamisches System. Piper 1993
  • Göttliche Luft, vernichtendes Feuer. Piper 1995
  • Gehirn und Geist. Wie aus Materie Bewusstsein entsteht. C.H.Beck, 2002, ISBN 3-406-48836-6
  • Das Licht des Geistes. Walter-Verlag 2004, ISBN 3-530-42182-0

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Gerald Edelman, Nobel laureate, dies, Nahroop up utsandiego.com, 20. Mai 2014