Georg Freiherr von Schröder

Johann Heinrich Georg Freiherr von Schröder (* 24. Februar 1867 in Hamborg; † 1940 ok dor) weer en düütschen Verwaltungsbeamten.

Von Schröder is 1867 as Söhn von Bertha Victoria, borene Müller (1831-1905), un Carl Heinrich Freiherr von Schröder (1826-1909) in Hamborg boren. He weer op dat Willem-Gymnasium in Hamborg un hett an de Universitäten Heidelberg, Bonn un Göttingen Juristeree studeert un weer siet 1889 bi dat Corps Borussia Bonn. Na dat Studium is he Regerungsassesser bi de Bezirksregerung Posen worrn.

He is 1905 as Nafolger von Otto Heidborn Landraad von’n Kreis Neehuus worrn un dat bet 1917 bleven. Sien Nafolger weer Eugen Naumann. He is denn versett worrn as Landraad in’n Kreis Eckernföör. Dor weer he an’n 1. Juli 1917 Nafolger von Ernst Eberhard Carl von der Recke. Dat is he bet 1920 bleven, as Eduard Adler dat Amt övernahmen hett.

Toletzt hett he den Hoff Fernsicht bi Kellinghusen bedreven.

He hett an’n 19. November 1904 in Köln in eerste Eh Helene Deichmann (24. September 1872-6. April 1907) freet un in twete an’n 1. August 1912 Emily Merck (* 9. Januar 1886). Ut de eerste Eh hett he de Dochter Bertha Maria Freiin von Schröder (* 27. April 1906).