Georg August Wilhelm von dem Bussche

Vun Wikipedia
Zur Navigation springen Zur Suche springen

Georg August Wilhelm von dem Bussche (* 23. März 1771 in Ossenbrügge; † 26. Mai 1813 in Hannover) weer en düütschen Verwaltungsbeamten.

Von dem Bussche is 1771 as Söhn von Dorothea, borene von Hammerstein (25. August 1741–9. November 1777), un den General Georg Wilhelm von dem Bussche (19. Juli 1726–11. Dezember 1794) in Ossenbrügge boren.[1][2] He weer Arvherr op Good Offelten.[2]

He hett sik an’n 19. Oktober 1789 för en Studium von de Juristeree an de Universität Göttingen inschreven.[1] Na dat Studium is he in’n hannöverschen Verwaltungsdeenst gahn un 1795 Auditer bi dat Amt Lemförde worrn.[1] He weer 1796 bet 1798 Auditer bi de Amtsvaagdie Borgwedel, 1799 bi dat Amt Bremervöör un weer von 1800 bet 1803 Drost supernumerär in dat Amt Niestadt.[1] Von dor keem he 1804 as Drost in dat Amt Wasra.[1] Aver noch in dat sülve Johr is he von’n Deenst supendeert worrn.[1]

Von dem Bussche hett an’n 3. September 1800 Cäcilie von Klenck (16. Juni 1780–16. September 1838) freet.[1] De beiden harrn de Döchter Luise (24. Mai 1807–25. Oktober 1874) un Emilie (* 13. Dezember 1809).[2]

Footnoten[ännern | Bornkood ännern]

  1. a b c d e f g Hans-Joachim Heerde: Das Publikum der Physik: Lichtenbergs Hörer. Wallstein Verlag, Göttingen 2006, ISBN 978-3-8353-0015-6, Sied 146
  2. a b c Gothaisches genealogisches Taschenbuch der freiherrlichen Häuser 1876. S. 108f