Geboortskanal

Vun Wikipedia

De Begreep Geboortskanal faat all Organen vun’t Geslechtssystem vun’t Seken tosamen, de bi de Geboort den Weg vun dat neeboren Kind ut’n Lief na buten billt. Bruukt warrt de Begreep tomeist bi Söögdeerten, also ok bi Minschen, kann aver ok op jede annere Oort vun Deerten anwennt warrn, de jemehr Lütten in’n Lief utdrägen un lebennig beren doot.

Bi de Söögdeerten höört to den Geboortskanal de Beermoderhals (de Utgang vun de Beermoder) un de Vagina, de sik ansluten deit. Faken warrt ok dat Becken vun de Fro mit dortorekent, vunwegen dat de Beckenkanal för dat Kind de gröttste Knakenhinnern dorstellt.