Gareth Hunt

Vun Wikipedia

Gareth Hunt (* as Alan Leonard Hunt an’n 7. Februar 1942 in London; † 14. März 2007 in Redhill) weer en engelschen Theater- un Filmschauspeler.[1]

Leven un Wark[ännern | Bornkood ännern]

Hunt weer de Neffe vun de engelschen Theater- un Filmschauspelersche Martita Hunt. Sien Vadder bleev as Soldat in’n Tweeten Weltkrieg dood, as Hunt jüst eerst twee Johr oolt weer. Opwossen is he in Battersea in’n Süüden vun London bi sien Mudder Doris un sien Steefvadder. He wull geern dör de Welt reisen un hett dorüm mit 15 Johren bi de Hannelsmarine anhüürt. Man, na söss Johren hett em dat dor nich mehr gefallen. As he ahn Verlööf vun Boord gahn weer, keem he in Neeseeland för dree Maanden in en Militärgefängnis. Dorna hett he as Stratenarbeiter un Hannelsreisenden arbeit.

An de Webber Douglas Academy of Dramatic Art in London hett Hunt en Pries för en Schauspeelutbilln wunnen. Dorna weer he vun de Royal Shakespeare Company anstellt. Mit sien Rull as Mike Gambit in de britischen Feernsehreeg The New Avengers is he an de siet vun Patrick Macnee un Joanna Lumley bekannt worrn. In Grootbritannien weer he in de 1980er Johren ok bekannt för en Warfsennen, den he för Nescafé maakt hett. In de 1990er un 2000er Johren hett he vör allen vun lüttere Feernsehrullen leevt.

2002 is he bi en Opföhren an’t Pier Theatre in Bournemouth wegen en Hartinfarkt tosamenbroken. In’t Johr 2004 weer bi em en Pankreastumor faststellt, wovun aver blots sien Familie un besten Frünnen wüssen. He hett sien drüdde Fro Amanda mit jemehr dree Söhnen torüchlaten[2].

Filmografie (Utwahl)[ännern | Bornkood ännern]

Johr Titel Synchroonsnacker
1972 For the Love of Ada  
1974 Doctor Who, Feernsehfolgen  
1974-75 Upstairs, Downstairs, Feernsehreeg
dt.: Das Haus am Eaton Place
Thomas Danneberg
1978-77 The New Avengers, Feernsehreeg
dt.: Mit Schirm, Charme und Melone
Elmar Wepper (1. Stimm)
Michael Schwarzmaier (2. Stimm)
1979 The World Is Full of Married Men  
1979 Licensed to Love and Kill
dt.: No. 1 ist nicht zu schlagen
 
1981 That Beryl Marston…!, Feernsehreeg  
1983 Funny Money
dt.: Funny Money – Tödliche Kreditkarten
 
1984 Bloodbath at the House of Death  
1987 A Hazard of Hearts, Feernsehn
dt.: Wagnis der Liebe
 
1989 A Chorus of Disapproval
dt.: Alles nur Theater
Helmut Krauss
1989 The Lady and the Highwayman, Feernsehn
dt.: Gefährdete Liebe
Karl Schulz
1990 A Ghost in Monte Carlo
dt.: Ein Phantom in Monte Carlo
Karl Schulz
1997 Fierce Creatures
dt.: Wilde Kreaturen
 
1998 The Incredible Adventures of Marco Polo  
1998 Parting Shots  
2007 The Riddle  

Borns[ännern | Bornkood ännern]

  1. Biograafsche Daten vun Gareth Hunt in: The New York Times, afropen an’n 14. November 2013
  2. Nachruf auf Schauspieler Gareth Hunt in: The Guardian

Weblenken[ännern | Bornkood ännern]